Көмүр кымбаттоодо. Бишкек мэри бааны көзөмөлдөөнү тапшырды

© Sputnik / Бактияр БердибековКөмүр. Архив
Көмүр. Архив - Sputnik Кыргызстан, 1920, 07.10.2021
Жазылуу
Калаа башчысы көмүрдүн баасы себепсиз кымбаттап жатканы аныкталса, чара көрүлөрүн эскерткен. Жалпысынан шаарда алты отун базасы жана 10 стационардык пункт кара алтын сатат.
БИШКЕК, 7-окт. — Sputnik. Бишкек мэри Айбек Жунушалиев ордо калаада акыркы күндөрү көмүрдүн баасы көтөрүлүп кеткенин айтып, мындан улам Монополияга каршы агенттигине бааны көзөмөлдөө тапшырмасын бергенин маалымат жыйын учурунда билдирди.
"Суук түшөрү менен көмүрдүн баасы көтөрүлүп кеткенин байкап жатабыз. Буга чейин бир тонна көмүр 4 000-4 500 сом болсо, азыр андан да кымбаттап кеткен. Бүгүн биз Монополияга каршы агенттигине жана шаардык кызматтарга рейд жүргүзүп, себебин билүүнү тапшырдык. Эгер бааны себепсиз көтөрүп жатышса, аны түшүрүү үчүн бардык чараларды көрөбүз. Бүгүнкү күндө көмүр базаларында 5 000 тоннадай көмүр бар. Калаа тургундарына өз убагында көмүр алып коюуну да сунуштайбыз", — деди мэр.
Жунушалиев шаарда алты отун базасы жана 10 стационардык пункт иштээрин айтып, алар тынымсыз кара алтын сатарын кошумчалаган.
Жаңылыктар түрмөгү
0