15:35 30 Жетинин айы 2021
Түз эфир
  • USD84.8000
  • EUR95.6332
  • RUB1.1309
Коом
Кыскача шилтеме алуу
66 0 0

Октябрь айылындагы ооруканага бардыгы болуп сегиз киши кайрылган. Дарыгерлер эпидемиологиялык изилдөөлөрдү жүргүзүп жатышат.

БИШКЕК, 30-сен. — Sputnik. Жалал-Абаддын Сузак районунда төрт киши күйдүргү (Сибирь жарасы) илдетине кабылганы аныкталды. Бул тууралуу Жалал-Абад райондор аралык санитардык-эпидемиологиялык көзөмөл жана жугуштуу оорулардын алдын алуу борборунун жетекчиси Рома Ураимов билдирди.

Октябрь айылындагы ооруканага бардыгы болуп сегиз киши кайрылган. Алардын төртөөсү оору жуктурганы аныкталган. Абалдары канааттандырарлык деп сыпатталууда. Калган төртөө дарыгерлердин көзөмөлүндө.

Ураимовдун айтымында, Жашасын айылынын тургундары 16-сентябрда союлган малдын этин сатып алышкан. Эт ошондой эле Кызыл-Сенир жана Бостон айылдарына да таратылган. 100дөн ашык киши ал эттен жеген деген маалымат бар. Учурда эпидемиологиялык изилдөөлөр жүргүзүлүп жатат.

Буга чейин Аксы районунда жети киши күйдүргү илдетин жуктурганга шектелип ооруканага түшкөн. Анын экөөсүндө инфекция аныкталган. Дагы 41 киши дарыгерлердин көзөмөлүндө.

Күйдүргү — айыл чарба жана жапайы жаныбарларда, ошондой эле адамдарда кездешүүчү өзгөчө коркунучтуу жугуштуу оору. Анын бактериялары топуракта узак мезгилге сакталат.

Тема боюнча

Мал союп этин тараткан. Аксыда 7 адам күйдүргүгө шектелип ооруканага түштү
Сотовалдиев: күйдүргү менен үй жаныбарларынын баары ылаңдайт
Белгилер:
күйдүргү, илдет, Сузак району, шектүү

ЭҢ МААНИЛҮҮ