Дарыгер: смартфондор дагы бир пандемияга себепкер болушу мүмкүн

© Фото / Pixabay/ sweetlouiseТелефон колдонуп жаткан кыз. Архив
Телефон колдонуп жаткан кыз. Архив - Sputnik Кыргызстан, 1920, 17.09.2021
Жазылуу
Телефондорду текшерип көргөндө бактерия, вирус сыяктуу мителер көп экени аныкталган. Ошондой эле жаныбарлар менен өсүмдүктөрдүн адамдын организминде оору козгой турган патогендери болгон.

БИШКЕК, 17-сен. — Sputnik. Смартфондор дагы бир пандемияга себепкер болушу мүмкүн. Бул тууралуу Бонд университетинин (Австралия) окумуштууларынын иликтөөсүнө таянып Daily Mail жазды.

Гүлдөрдү сүрөткө тартып жаткан кыз. Архив - Sputnik Кыргызстан, 1920, 05.09.2021
Дарыгер смартфон аркылуу кандай кооптуу оорулар жугарын айтып берди
Университеттин доценти, дарыгер Лотти Таджури кесиптештеринин операцияга даярданып колун жуугандан кийин дагы телефондорун көп кармарын байкап, иликтөө жүргүзүп көрүүнү чечкен. Анын алкагында 165 медиктин мобилдик телефону текшерилген.

Жыйынтыгында бардык аппараттарда бактерия, вирус сыяктуу мителер көп экени аныкталган. Ошондой эле жаныбарлар менен өсүмдүктөрдүн адамдын организминде оору козгой турган патогендери болгон.

"Анын баары кол аркылуу кишиге жугат. Андыктан телефонду үчүнчү кол сыяктуу элестетип, маал-маалы менен дезинфекциялоочу каражаттарды колдонуп, тазалап туруу керек", — деди Таджури.

Мындан улам адис саламаттык сактоо тармагындагы жетекчилерди кайсы бир кооптуу оору смартфон аркылуу тарап кете электе коопсуздук тууралуу ойлонууга чакырды.

Жаңылыктар түрмөгү
0