22:32 24 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Коом
Кыскача шилтеме алуу
415 0 0

19 жашында дүйнө салган Үмүтбектин үй-бүлөсүнө эки бөлмөлүү батир берилет. Бишкек шаарынын мэри берилген убада кечиктирилгени үчүн кечирим сурады.

БИШКЕК, 16-сен. — Sputnik. Бишкек шаарынын мэри Айбек Жунушалиев октябрь окуяларында курман болгон Үмүтбек Алтынбек уулунун эжеси менен жолукту. Бул тууралуу муниципалитеттин маалымат кызматы билдирди.

"Калаа башчысы маркумдун атасына берилет деген батир кечиктирилип жатканы үчүн кечирим сурады. Ал бул маселе Бишкек шаардык кеңешинин 28-сентябрда өтө турган жыйынында карала турганын билдирди", — деп айтылат маалыматта.

Мэрия Тунгуч кичи районундагы Анкара көчөсүндө жайгашкан үйдөн батир берүү боюнча токтом долбоорун Бишкек шаардык кеңешинин кароосуна жөнөткөнү айтылды.

"Токтом долбоору бекитилери менен Муниципалдык мүлк башкармалыгы 65,9 чарчы метрлик эки бөлмөлүү батирди өткөрүп берүү боюнча келишим түзөт", — деди мэриядан.

Буга чейин президенттин администрациясы Үмүтбектин үй-бүлөсүнө батир кээ бир аткаминерлердин жоопкерчиликсиз мамилесинен улам берилбей калганын билдирген.

19 жаштагы Үмүтбек 2020-жылдын октябрында Ак үй алдындагы элдик толкундоолордо милиция менен митингчилердин кагылышуусунан каза болуп, 8-октябрда туулуп-өскөн кичи мекенинде жерге берилген.

Үмүтбек Алтынбек уулу 2001-жылы Лейлек районунун Кара-Булак айылында туулган. Ал Бишкекте кесиптик орто окуу жайды бүтүрүп, тигүүчүлүк кесипке ээ болуп иштеп жаткан болчу.

Тема боюнча

Октябрь окуясында көз жумган Үмүтбектин бүлөсүнө үй берүүнү Жапаров көзөмөлдөйт
Белгилер:
Бишкек, мэр, Айбек Жунушалиев, Үмүтбек Алтынбек улуу, батир

ЭҢ МААНИЛҮҮ