00:26 17 Аяк оона 2021
Түз эфир
  • USD84.7960
  • EUR99.8176
  • RUB1.1707
Коом
Кыскача шилтеме алуу
Бишкекте 27 жаштагы кыздын уурдалып, өлтүрүлүшү (55)
761 0 0

Кызды ала качууга катышкандардын баары күнөөлүү деп табылып, үчөө жети жылга, экөө алты жыл алты айга кесилген.

БИШКЕК, 14-сен. — Sputnik. Биринчи май райондук соту Айзада Канатбекованы ала качкандарга карата өкүм чыгарды.

Анда кызды уурдоого катышкан беш кишинин баары тең күнөөлүү деп табылган.

Соттолгондор:

  • Замирбек Раманкулов — 6 жыл 6 айга кесилди;
  • Кубаныч Токон уулу — 6 жыл 6 айга кесилди;
  • Ажыкабыл Рысбай уулу — 7 жылга кесилди;
  • Орузбек Нурумбетов — 7 жылга кесилди;
  • Сыймык Молдосариев — 7 жылга кесилди.

Сот айыпталуучуларды Айзаданын үй-бүлөсүнө материалдык зыян катары 100 миң сом төлөп берүүгө милдеттендирген.

Айзада Канатбекованын таежеси Бактыгүл Шакенованын айтымында, кыздын жакындары соттун чечимине ыраазы экенин айтып, доо арыз жазбай тургандыктарын кошумчалады.

Айзаданын өлүмү

Үстүбүздөгү жылдын 5-апрель күнү эртең менен саат 07:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 07:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Канатбекованы уурдаган Замирбек Теңизбаевге башында Жазык кодексинин 175-беренеси ("Адамды никеге туруу максатында уурдоо") менен иш козголуп, кийин 170-беренеге ("Адам уурдоо") өзгөртүлүп, андан соң 130-берене ("Киши өлтүрүү") кошулган. Бирок шектүү көз жумганына байланыштуу кылмыш иши токтотулду.

Кызды ала качууга катыштыгы бар делип беш киши кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Айзаданын жакындарынын адвокаты соттук-медициналык экспертизада ал киши колдуу болгонго чейин зордукталганы аныкталганын айтып чыккан. Муну милиция дагы тастыктаган.

Тема:
Бишкекте 27 жаштагы кыздын уурдалып, өлтүрүлүшү (55)

Тема боюнча

Айзаданын апасы: кызымды өлтүргөн баланы сүрөтүнөн көрүп эле зөөкүргө окшоштургам
Айзаданы ала качууга шектүүлөрдүн бири окуянын чоо-жайын айтып берди
Белгилер:
Айзада Канатбекова, сот, өкүм, шектүү, кыз ала качуу

ЭҢ МААНИЛҮҮ