БИШКЕК, 10-сен. — Sputnik. Кыргызстанда соңку бир сутканын ичинде 100 адамдан коронавирус аныкталып, ооруну 132 киши жеңип чыкты. Бул туурасында Республикалык штаб билдирди.
Жуктургандар:
- Бишкек шаары – 49;
- Чүй облусу – 20;
- Ош облусу – 2;
- Талас облусу – 5;
- Нарын облусу – 4;
- Ысык-Көл облусу – 11;
- Жалал-Абад облусу – 4;
- Баткен облусу – 5.
Ушуну менен илдетке кабылгандардын жалпы саны 176 983кө жетти. Ал эми сакайып чыккандар 171 180ди түздү.
Тилекке каршы, COVID-19 акыркы суткада үч адамдын өмүрүн алып, көз жумгандардын саны 2 566 болду.
Ооруканада 690 бейтап жатат, 1 094 киши үй шартында дарыланууда.
Өткөн суткада Кыргызстан боюнча 11 921 киши коронавируска каршы вакцина алды. Алардын ичинен 5 278и биринчи дозасын, 6 643ү экинчи компонентин сайдырды.
