19:57 16 Тогуздун айы 2021
Түз эфир
  • USD84.8000
  • EUR98.4062
  • RUB1.1904
Коом
Кыскача шилтеме алуу
98 0 0

Министр менен элчи ар тараптуу стратегиялык өнөктөштүктү чыңдоо үчүн бардык жаатта кызматташууга даяр экендиктерин белгилешти.

БИШКЕК, 9-сен. — Sputnik. Кытайдын Синьцзян-Уйгур автономдук району Кыргызстанга 1500 тонна буудай жана COVID-19 менен күрөшүүгө жеке коргонуу каражаттарын гумжардам катары жөнөтөт. Бул тууралуу КРдин Тышкы иштер министрлиги билдирди.

Бүгүн, 9-сентябрда, тышкы иштер министри Руслан Казакбаев Кытайдын элчиси Ду Дэвень менен жолуккан.

"Тараптар кыргыз-кытай кызматташтыгынын актуалдуу маселелери боюнча пикир алмашып, буга чейин жетишилген келишимдердин аткарылышын талкуулашты. Ошондой эле 16-17-сентябрда Душанбеде өтө турган ШКУга мүчө мамлекеттердин башчыларынын кеңешинин жыйынын уюштурууга байланышкан маселелер каралды", — деп айтылат маалыматта.

Министр менен элчи ар тараптуу стратегиялык өнөктөштүктү мындан ары да чыңдоо үчүн бардык жаатта кызматташууга даяр экендиктерин белгилешкен.

Тема боюнча

Россиядагы мекендештер министр Казакбаевден бир нече көйгөйдү чечүүнү өтүндү
Белгилер:
Кыргызстан, Кытай, Руслан Казакбаев, элчи

ЭҢ МААНИЛҮҮ