Караоке-бардан күйөөсү сулата чапкан аял видеону тараткандарга каршы арыз жазды

© Sputnik / Табылды КадырбековБишкектеги кафеде коноктор. Архив
Бишкектеги кафеде коноктор. Архив - Sputnik Кыргызстан, 1920, 01.09.2021
Жазылуу
Буга чейин 266-берене ("Бейбаштык") боюнча иш козголгон. Эми сотко чейинки өндүрүш иши башталды.

БИШКЕК, 1-сен. — Sputnik. Бишкектеги караоке-бардан күйөөсү сулата чапкан аял окуянын видеосун тараткан көңүл ачуучу жайдын кызматкерлерине каршы арыз жазды. Бул тууралуу Октябрь райондук милициянын маалымат кызматы кабарлады.

Эске салсак, 30-август күнү социалдык тармактарга киши аялды чыканагы менен согуп тепкичтен кулаткан видео тараган. Караоке-клубдун администраторунун айтымында, 29-августка караган түнү кабинкалардын биринде чоң компания эс алган. Ал ошондой эле аялды эркек киши урганын көрүп милиция менен Тез жардам кызматын чакырууну сунуштаганын билдирген. Бирок аял жардамдан баш тартып, кол көтөргөн киши анын жолдошу экенин айткан.

"Видео интернетке жарыялангандан бери Д.А. аттуу аялдын жолдошу үйүнө келе элек. Аялга күзөт ордери берилди. Д.А. окуянын видеосун тараткан караоке-бардын кызматкерлерине чара көрүүнү суранып арыз жазды", — деп айтылат маалыматта.

Учурда Кылмыш-жаза кодексинин 186-беренеси ("Жеке жашоонун кол тийбестигин бузуу") боюнча сотко чейинки өндүрүш башталды. Буга чейин 266-берене ("Бейбаштык") боюнча иш козголгон.

Жаңылыктар түрмөгү
0