Окумуштуулар аялдар төрөттөн кийин канча жылга картая турганын айтты

© Sputnik / Александр Кондратюк / Медиабанкка өтүүРабота перинатального центра в Челябинске
Работа перинатального центра в Челябинске - Sputnik Кыргызстан, 1920, 27.08.2021
Жазылуу
Окумуштуулар картаюу процесси жаш энелердин уйкусунун канбаганына да байланыштуу экенин белгилешкен. Төрөттөн кийин жети сааттан кем уктаган аялдын биологиялык жаш курагы аны 3-7 жашка чейин улуу көрсөтөт.

БИШКЕК, 27-авг. — Sputnik. Калифорния университетинин окумуштуулары төрөт аялды 3-7 жылга чейин картайтышы ыктымал экенин айтышты. Изилдөөнүн жыйынтыгы Sleep Health журналына жарыяланган.

Кош бойлуулук жана төрөттөн кийинки ден соолук боюнча изилдөөнүн жүрүшүндө 23 жаштан 45 жашка чейинки 33 аялдын канынын үлгүсү каралып, ал жаңы ыкмалар менен изилденген.

Кош бойлуу айым. Архив - Sputnik Кыргызстан, 1920, 10.06.2021
Элдин сөзүнөн коркуп... Аял эмне себептен 35 жаштан кийин төрөгүсү келет
Жыйынтыгында адистер төрөт аялдын картаюусун тездетиши ыктымал деген жыйынтыкка келишкен. Алардын айтымында, төрөгөн кыз-келиндердин теломери кыска болот. Теломер — бул карыганда азайган хромосоманын бөлүгү. Клетка канчалык картайган сайын теломер кыскара берет.

Окумуштуулар картаюу процесси жаш энелердин уйкусунун канбаганына да байланыштуу экенин белгилешкен. Жети сааттан кем уктаган аялдын биологиялык жаш курагы көбүрөөк эс алган аялдардыкына караганда аны 3-7 жашка чейин улуу көрсөткөн.

"Төрөттөн кийинки биринчи айларда уйкудан калуу узак убакытка чейин терс таасирин тийгизиши ыктымал. Жети сааттан кем уктоо ден соолукка олуттуу зыянын тийгизип, ар кандай ооруга кептеши ыктымал", — деген изилдөө тобунун жетекчиси Жудит Кэрролл.

Адистер кошумча эс алууга кеткен ар бир саат энени жашартып, анын картаюусуна жол бербейт деген жыйынтыкка келишкен.

Жаңылыктар түрмөгү
0