Оштун жаңы мэри суу көйгөйүн чечүү үчүн Бишкектен адистерди чакырды

© Фото / Михаил ДудинОштун дрондон көрүнүшү. Архив
Оштун дрондон көрүнүшү. Архив - Sputnik Кыргызстан, 1920, 06.08.2021
Жазылуу
Ош шаарынын мэринин милдетин аткаруучу Алмаз Мамбетов "Төлөйкөн суу тазалоочу пунктуна Даңги участкасынан суу түтүгүн тартуу" долбоору менен таанышуу үчүн Даңги аймагына барып, жаралып жаткан көйгөйлөрдү жеринен көрүп кайтты.

БИШКЕК, 8-авг. — Sputnik. Ош шаарынын мэринин милдетин аткаруучу Алмаз Мамбетов калаадагы көп жылдан бери көйгөй жаратып келе жаткан ичүүсү суу маселесин чечүүдө Бишкектен тиешелүү адистерди чакырып, ишти жөнгө салуу зарылдыгын айтты. Бул туурасында муниципалитеттин маалымат кызматынан кабарлашты

Мэриянын билдиришинче, бул долбоорду ишке ашырууга 3 миллион доллар сарпталат. Буга көмөктөшүү үчүн Ош шаарына борбордон атайын эксперттер чакыртылды.

"Аз убакыттын ичинде таза суу көйгөйүн чечүү маселеси турат. Ал үчүн таза суу чыгаруу боюнча ири долбоорлорду ишке ашырган, тажрыйбасы көп адистерди Бишкектен чакырып жатабыз. Коротулуучу акчаны туура пайдалануу үчүн ушундай багытка баруу керек. Антпесе долбоор ишке ашып, бирок натыйжасын бербей калса шаардыктарга таза сууну берүүнүн токтошу негизги көйгөй боюнча калат", — деди Мамбетов.

Жолдогу автоунаалар. Архив - Sputnik Кыргызстан, 1920, 06.08.2021
Кышка чейин Бишкектин 32 көчөсүнүн жолу оңдолуп бүтөт
Муниципалдык кызматтын жетекчилери калаа башчыга былтыр Ошто таза суу тогуз ирет өчүрүлсө, быйыл жарым жылда эле 12 жолу токтотулганын айтышкан.

Шаардыктарга үзгүлтүксүз суу жеткирүүнү көздөгөн долбоор Евразия өнүктүрүү жана реабилитациялоо банкы тарабынан каржылат.

Белгилей кетсек, жамгыр жааган сайын Ак-Буура дарыясы ылайланып калаада суу берүү токтотулат. Шаар тургундары кээде эки-үч күндөп иче турган суу жок отуруп калышат.

Жаңылыктар түрмөгү
0