БИШКЕК, 1-авг. — Sputnik. Августта кыргызстандыктар өлкөнүн Эгемендүүлүгүнүн 30 жылдыгына карата көбүрөөк эс алышат.
Бул тууралуу өкмөттүн токтомунда жазылган. Ага ылайык, катары менен төрт күн эс алуу болот. Тагыраагы, 28-августтан 31-августка (ишемби, жекшемби, дүйшөмбү, шейшемби күндөрү) чейин иштешпейт.
30-август дүйшөмбүгө туура келгендиктен иш күнү деп эсептелиши керек эле. Бирок анын ордуна кыргызстандыктар 10-майда иштеген. 9-май жекшембиге туш келгендиктен 10-майда эс алуу болору айтылган. Буга байланыштуу өкмөт дем алышты августка жылдырууну чечкен.
Натыйжада кыргызстандыктар августтун этегинде төрт күн эс алмакчы.
