00:09 17 Аяк оона 2021
Түз эфир
  • USD84.7960
  • EUR99.8176
  • RUB1.1707
Коом
Кыскача шилтеме алуу
7876 0 0

Мындай категориядагы кызматкерлер бюджеттин эсебинен өмүр бою медициналык тейлөө менен да камсыздалат.

БИШКЕК, 28-июл. — Sputnik. Президенттик администрация "Мамлекеттик жарандык кызмат жана муниципалдык кызмат жөнүндө" мыйзамын өзгөртүүнү сунуштады.

Анда кызматкерлер үчүн жаңы кепилдиктер каралган.

23-беренеде кызмат адамдарына кошумча дем берүү максатында мамлекеттик орган, жергиликтүү өз алдынча башкаруу органы материалдык эмес жүйөлөштүрүү тутумун колдонору жазылган.

Учурда колдонулуп жаткан мыйзамда алкыш жарыялоо жана башка сыйлыктарды берүү гана каралган. Ал эми жаңысында ага кошуп мамлекеттик жана муниципалдык кызматта 30 жыл жана андан көп иштеген адамдарга 1 миллион сом өлчөмүндө бир жолку жөлөкпул төлөө сунушталууда. Бул соңку убакта иштеп жаткан мекеме тарабынан берилет. Мындан сырткары, мындай категориядагы кызматкер бюджеттин (республикалык жана жергиликтүү) эсебинен өмүр бою медициналык тейлөө менен камсыздалат. Ал акыркы иштеген жери боюнча таризделет.

Ал эми кызматтык милдеттерин аткаруу учурунда ден соолугуна зыян келтирилип же кесиптик оорунун кесепетинен майып болуп калса ага 500 миң сом өлчөмүндө бир жолку компенсация төлөнөт.

Кызматчы өлтүрүлгөн же кесибине байланыштуу ооруга кабылып, же ден соолугуна келтирилген зыянга байланыштуу каза болгон учурда анын үй-бүлөсүнө 1 миллион сом өлчөмүндө бир жолку компенсация берилет.

Азыркы колдонуудагы мыйзамда компенсациянын суммасы өкмөт тарабынан аныкталары жазылган.

Тема боюнча

Эсептөө палатасынын аудиторун 9дан 3кө чейин кыскартуу мыйзамы сунушталды
Белгилер:
мамлекеттик кызматкер, миллион, сом, компенсация, тейлөө

ЭҢ МААНИЛҮҮ