12:05 23 Аяк оона 2021
Түз эфир
  • USD84.8000
  • EUR99.5001
  • RUB1.1635
Коом
Кыскача шилтеме алуу
83 0 0

Ракиев өлкө мусулмандарына кайрылып, ыйык Курман айт майрамында ынтымакка, сабырдуулукка, биримдүүлүккө жана кайрымдуу болууга чакырды.

БИШКЕК, 20-июл. — Sputnik. Өлкөнүн мусулмандарынын муфтийи Замир кары Ракиев кыргызстандыктарды Курман айт майрамы менен куттуктады. Диний башкармалыктын башчысынын куттуктоосун муфтияттын маалымат кызматы таратты.

Президент Садыр Жапаров. Архивдик сүрөт
© Пресс-служба президента КР / Султан Досалиев
Куттуктоодо бул күн сооп табууга, муктаждардын үй-бүлөсүнө кубаныч тартуулоого, жашоодон жапа чеккен бир туугандарыбызга, жетим-жесирлерге, улгайып калган ата-энелерге, колунда жок инсандарга, майыптарга кол сунууга, көмөктөшүүгө эң ыңгайлуу күн экени айтылган.

Муфтий пандемиядан улам быйыл ажылык болбой калганын, азыр деле өлкөдө эпидемиологиялык абал сакталып турганын айтып, коомчулукту санитардык эрежелерди сактоого чакырды.

"Ар бир жандын саламаттыгы аманат. Кара тумоодон элибизди Жараткан Алла-Таалам эртерээк чыгарып, дарыгерлер көрсөткөн эрежелерди так сактайлы. Ооруп жаткан бир туугандарыбызга Кудай шыпаасын берсин", — деди муфтий.

Ракиев өлкө мусулмандарына кайрылып, ыйык Курман айт майрамында ынтымакка, сабырдуулукка, биримдүүлүккө жана кайрымдуу болууга чакырды.

Муфтий Курман айт майрамы менен элге жакшылык, молчулук, токчулук, бакубат жашоо келишин тилеген.

Тема боюнча

Курман айт намазы аянттарда окулбай турган болду
Белгилер:
курман айт, Замир кары Ракиев, куттуктоо, муфтият

ЭҢ МААНИЛҮҮ