23:08 26 Теке 2021
Түз эфир
  • USD84.4100
  • EUR99.5152
  • RUB1.1392
Коом
Кыскача шилтеме алуу
5298 0 0

Калкынын саны өскөн көрсөткүч боюнча мурдагы СССРден тараган мамлекеттердин ичинен Тажикстан лидер болот. Кошуна өлкөнүн элинин саны 172 пайызга өсөрүн адистер белгилешет.

БИШКЕК, 19-июл. — Sputnik. 2100-жылы Кыргызстандын калкы 71 пайызга көбөйөт. Бул тууралуу Бириккен Улуттар Уюмунун маалыматтарына таянып "Sputnik Ближнее зарубежье" Telegram-каналына жазды.

Уюмдун божомолуна ылайык, 2100-жылы Молдова, Украина жана Литва өлкөлөрүнүн калкынын саны эки эсеге кыскарат.

Ал эми элинин саны өскөн көрсөткүч боюнча мурдагы СССРден тараган мамлекеттердин ичинен Тажикстан лидер болот. Кошуна өлкөнүн калкы 172 пайызга өсөрүн адистер белгилешет. Экинчи орунда Кыргызстан жайгашса (+71 пайыз), үчүнчү сапта Казакстан (+50 пайыз) болору болжолдонот.

БУУнун адистери Өзбекстандын калкы 28 пайызга өсөрүн болжогон. Беларусь менен Россияныкы, тескерисинче, бири 21 пайызга, экинчиси 14 пайызга азаят.

Кыргызстандын Улуттук статистикалык комитетинин маалыматына ылайык, азыркы тапта өлкөнүн калкынын саны 6,6 миллионду түзөт.

Тема боюнча

Статистика комитети Кыргызстан элинин саны канчага жеткенин айтты
Белгилер:
КМШ, БУУ, калк, Кыргызстан

ЭҢ МААНИЛҮҮ