09:02 24 Аяк оона 2021
Түз эфир
  • USD84.8000
  • EUR99.3856
  • RUB1.1660
Коом
Кыскача шилтеме алуу
52 0 0

Салыктарды банк кассаларынан, почта бөлүмдөрүнөн, ошондой эле төлөм жана жеке-терминалдар, мобилдик банкинг жана уюлдук тиркемелер, төлөм карталары же башка жабдуулар аркылуу төлөсө болот.

БИШКЕК, 7-июл. — Sputnik. Мамлекеттик салык кызматы транспорт, турак жай жана жер салыктарын төлөө мөөнөтү жакындап калганын эскертти.

Анда айтылгандай, ушул жылдын 1-сентябрына чейин 4-топтогу (транспорт каражаты) мүлк салыгын, 2-сентябрына чейин турак үйлөр, батирлер (ишкердик максатта колдонулбаган) жана жер салыктарын (үй алдындагы, короо жай жана багбанчылык-огороддук жер участоктору) төлөө зарыл.

Жарандар салык органына барбай эле төлөөнүн ыңгайлуу ыкмасын тандай алышат. Акчаны каалаган банк мекемесинин кассаларында, почта бөлүмдөрүндө, ошондой эле төлөм жана жеке-терминалдар, мобилдик банкинг жана уюлдук тиркемелер, төлөм карталары же башка аралыкта орнотулган жабдуулар аркылуу төлөсө болот.

Салыктын суммасын www.sti.gov.kg сайтынан электрондук калькуляторду пайдалануу менен (Электрондук сервистер — электрондук жардамчылар жана калькулятор) өз алдынча эсептөөгө болот.

Салык кызматы бул боюнча толук маалыматты 116 номери аркылуу же www.sti.gov.kg сайтынан алууга болорун билдирди.

Тема боюнча

Ошто салыкты жашырган 6 май куюучу жайга айып салынды. Тизме
1-июлдан тарта кумшекер, май, мал ташыгандардан кошумча нарк салыгы алынбайт
Белгилер:
салык, төлөө, мөөнөт, эскертүү, Мамлекеттик салык кызматы

ЭҢ МААНИЛҮҮ