Бишкекте 6 миңдей абоненттин жарыгы өчүрүлүшү мүмкүн. Карыз 5,2 млн. сом

© Sputnik / Максим Блинов / Медиабанкка өтүүПодстанция "Елоховская"
Подстанция Елоховская - Sputnik Кыргызстан, 1920, 05.07.2021
Жазылуу
"Түндүк электр" абоненттерин карызды тезинен төлөөгө чакырат. Бересеси барлардын жарыгы "акылдуу эсептегичтердин" жардамы менен аралыктан өчүрүлөт.
БИШКЕК, 5-июл. — Sputnik. "Түндүк электр" ишканасы карызын төлөбөй жүргөн 6,1 миң абоненттин жарыгын эртең, 6-июлдан тарта, өчүрөт. Бул тууралуу компаниянын маалымат кызматы кабарлады.
Аталган абоненттердин карызы беш миллион эки жүз миң сомду түзөт. Жарык "акылдуу эсептегичтердин" жардамы менен аралыктан өчүрүлөт. "Түндүк электр" абоненттерин карызды төлөөгө чакырат.
Май куюучу жай. Архив - Sputnik Кыргызстан, 1920, 05.07.2021
Ошто салыкты жашырган 6 май куюучу жайга айып салынды. Тизме
Тейлөөнү ыңгайлаштыруу үчүн ишкананын расмий сайтында "Абоненттин балансы" http://kyr.se.kg/balance деген бөлүм ачылган. Ал жерде ар бир кардар өзүнүн эсеп-кысабын текшере алат.
Ошондой эле балансты "Түндүк электрдин" түнү-күнү иштеген 1209 номери аркылуу колл-борборуна чалып тактаса болот. Мындан сырткары, кардар (0551) 00-12-09 WhatsApp-номерине билдирүү жазып, жооп ала алат.
Карызды Quickpay, Pay24, UMAI, KICB, "БТА банк" төлөм терминалдары аркылуу, ошондой эле UMAI, "Элсом" электрондук капчыктары жана "Айыл банк", "ДосКредоБанк", "БТА банк", "Кыргызстан" коммерциялык банкы жана "Кыргыз почтасы" мамлекеттик ишканасынын кассаларынан төлөөгө болот.
Жаңылыктар түрмөгү
0