Жеке жашоосуна, никесине нааразы болгон эркектер эртерээк көз жумат. Изилдөө

© Sputnik / Табылды КадырбековЖаңы үйлөнгөндөр. Архив
Жаңы үйлөнгөндөр. Архив - Sputnik Кыргызстан, 1920, 27.06.2021
Жазылуу
Адистер он миң эркек кишинин ден соолугуна, жашоосуна канааттанып-канааттанбагандыгына 70 жыл байкоо жүргүзүшкөн.
БИШКЕК, 27-июн. — Sputnik. Никеге турганына, үй-бүлөлүк жашоосуна ыраазы болбогон эркек кишилер эрте көз жумарын тастыктаган илимий жыйынтык чыкты. Бул туурасында Journal of Clinical Medicine журналы жазды.
Тель-Авив университетинин окумуштуулары көз жумган 10 миң эркек кишинин акыркы 30 жылдагы ден соолугуна изилдөө жүргүзгөн. Адистер бул кишилердин саламаттыгы, жашоосу, маанайы, үй-бүлөсү тууралуу маалыматтарды 1960-жылдардан баштап эле чогулта башташкан.
Илимий тажрыйбага алынгандардын бардыгы мамлекеттик кызматкерлер болгон. Адистер негизги көңүлдү инсультка жана эрте келген өлүмдөргө койгон.
Кол кармашып турган түгөй. Архив - Sputnik Кыргызстан, 1920, 19.06.2021
Күйөөмдүн көңүлүн төшөктө таба албай кыйналдым... Арданган аялдын каты
Израилдик эркектердин ар бири никесине, үй-бүлөлүк жашоосуна канаттанганын же тескерисинче, нааразы экендигин өздөрү айтып, баа берип турушкан. Түгөйүнө нааразы болгондордун 69 пайызы берки топтогу, тагыраагы, жашоосуна ыраазы болгондорго караганда инсульттан көп каза табарын изилдөөнүн жыйынтыгы көрсөткөн.
Үйлөнгөн аялы өзүнө жагып, бактылуумун деген эркектердин 19 пайызында нааразы болгондорго караганда ар кыл себептерден улам каза болуу ыктымалдыгы аз кездешкендиги айтылган.
Жаңылыктар түрмөгү
0