11:16 23 Аяк оона 2021
Түз эфир
  • USD84.8000
  • EUR99.5001
  • RUB1.1635
Коом
Кыскача шилтеме алуу
74 0 0

Апта аягында Кыргызстандын көпчүлүк аймактарында күн ачык болору божомолдонду. Ысык-Көлдө абанын температурасы 25 градуска чейин жылуу болот.

БИШКЕК, 24-июн. — Sputnik. Кыргызгидромет дем алышка карата аба ырайынын божомолун жарыялады.

Билдирмеге караганда, апта аягында өлкөнүн көпчүлүк аймактарында күн ачык болору божомолдонду.

Чүй, Ош, Жалал-Абад, Баткен облустарында 26-июнда тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жаан-чачын күтүлбөйт. 27-июнда тоолуу райондордон башка жерлерде күн ачык болору айтылды.

Таласта аптанын акыркы эки күнүндө тең жаан жаабайт, абанын температурасы жогору болору белгиленди. Ысык-Көлдө 26-27-июнда кээ бир райондордо өткүн өтүп, күн күркүрөшү, бийик тоолуу райондордо кар жаашы күтүлөт. Бирок Каракол, Чолпон-Ата шаарларында күн ачык болот.

Нарында 26-июнда жаан жаашы мүмкүн, ал эми 27-июнь, жекшембиде, түнкүсүн жаан-чачын күтүлбөйт. Күндүз кээ бир райондордо өткүн өтүшү ыктымал.

Апта аягы Бишкекте күн ачык болуп, абанын температурасы 30...32 градуска чейин ысый турганы кошумчаланды.

Тема боюнча

Адам бир күндө эң аз дегенде канча басышы керек? Адистин түшүндүрмөсү
Белгилер:
Кыргызстан, Кыргызгидромет, аба ырайы, божомол, аймак

ЭҢ МААНИЛҮҮ