08:49 02 Баш оона 2021
Түз эфир
  • USD84.7585
  • EUR100.8923
  • RUB1.1589
Коом
Кыскача шилтеме алуу
Коронавируска байланыштуу Кыргызстандагы кырдаал (2871)
2221 0 0

Окумуштуулар изилдөө жүргүзүү үчүн калктын канча пайызы коронавируска каршы эмделгенин, алардын вакцинага болгон ишеничин эске алышкан.

БИШКЕК, 22-июн. — Sputnik. 1-июндан 31-августка чейин айрым мамлекеттерде, анын ичинде Кыргызстанда, коронавирустан каза болгон адамдардын саны өсүшү ыктымал. Бул тууралуу The Lancet илимий-медициналык журналынын изилдөөсүндө жазылган.

Билдирмеге караганда, окумуштуулардын тобу дүйнө жүзү боюнча коронавирустан өлүм учурларынын деңгээлин 100 миң кишиге карата бир моделге салып чыгышкан. Ага ылайык, Кыргызстанда өлүм учурлары боюнча начар абал жаралышы божомолдонууда. Анда 100 миң кишиге 256дан 512ге чейин өлүм учуру катталышы мүмкүн экени айтылган.

Баалоо моделин түзүү үчүн окумуштуулар коронавируска каршы вакцинанын элге канчалык жеткени, калктын эмдөөгө болгон ишеничи жана бул мамлекеттерде басымдуулук кылган вирустун жогорку жугуштуулугу боюнча маалыматтарды колдонушкан.

Маалым болгондой, алдыңкы үч айдын ичинде коронавирустан өлүм учуру Латын Америкасынын айрым мамлекеттеринде жогорку деңгээлге жетиши ыктымал. Анын ичинде Боливия, Колумбия, Перу жана Уругвай бар. Себеби бул мамлекеттерде вакцина алгандардын саны өтө аз, ал тургай таптакыр ала электери бар.

"COVID каатчылыгы Борбор Азияга да жетиши ыктымал. Бирок бул аймакта эки гана мамлекет (Кыргызстан менен Өзбекстан) эмдөөнү жардам иретинде алышкан", — деген эксперттер.

Жакында эле саламаттык сактоо жана социалдык өнүктүрүү министринин орун басары Бакыт Жангазиев бүгүнкү күндө Кыргызстанда 90 миңге жакын адам коронавируска каршы эмделгенин айткан. Бул улуу курактагы калктын 2,3 пайызын түзөт. Ал эми экинчи доза менен 1,5 пайызы гана эмделген.

Тема:
Коронавируска байланыштуу Кыргызстандагы кырдаал (2871)

Тема боюнча

Өткөн суткада 931 кишиден коронавирус табылып, 8 бейтап көз жумду
Бишкек: COVID күчөгөнүнө байланыштуу райондордо стационарлар даярдалууда
Белгилер:
Кыргызстан, коронавирус, өлүм, изилдөө, журнал

ЭҢ МААНИЛҮҮ