15:24 28 Жетинин айы 2021
Түз эфир
  • USD84.7747
  • EUR95.3546
  • RUB1.1215
Коом
Кыскача шилтеме алуу
67 0 0

Быйыл өткөн жылдын январь-май айына салыштырмалуу автоунаа айдоого укук алгандардын саны 3 600гө көп.

БИШКЕК, 15-июн. — Sputnik. Кыргызстанда жыл башынан бери 82 042 жаран айдоочулук күбөлүк алды. Бул тууралуу Мамлекеттик каттоо кызматынан билдиришти.

"Унаа" мекемеси берген маалыматка ылайык, быйыл өткөн жылдын январь-май айына салыштырмалуу автоунаа айдоого укук алгандардын саны 3 600гө көп болгон.

"Беш айдын аралыгында 41,5 миң адам айдоочулук күбөлүккө алгачкы ирет ээ болду. Ал эми 27,5 миңи жоготуп алганына, мөөнөтү бүткөнүнө же жеке маалыматтарын өзгөрткөнүнө байланыштуу кайрадан алышты. 11,8 миң жаран кайра даярдыктан өтүп жаңы күбөлүк колуна тийди. Ошондой эле эл аралык үлгүдөгү айдоочулук күбөлүк 774 кишиге берилди", — деп айтылат маалыматта.

Ушул эле мезгилде автоунаа айдоого уруксат алуу үчүн 172 миң жаран экзамен тапшырган. Бул өткөн жылдын беш айына салыштырмалуу үч эсеге (58 миң) аз. Мындай чоң айырма былтыр карантиндик чектөөлөрдөн улам "Унаанын" бөлүмдөрү иштебегенине байланыштуу.

Тема боюнча

Мас болуп унаа айдагандарды күбөлүгүнөн ажыратуу мыйзам долбоору даярдалууда
Бишкекте төрт айда жол эрежесин бузган айдоочуларга канча айып салынды
Белгилер:
Кыргызстан, айдоочу күбөлүгү, унаа, экзамен

ЭҢ МААНИЛҮҮ