01:19 15 Кулжа 2021
Түз эфир
  • USD84.7066
  • EUR102.5755
  • RUB1.1728
Коом
Кыскача шилтеме алуу
7308 0 0

Териккен депутат "министрлер кабинетинде этикалуу адамдар аябай көп экен. Ошон үчүн мамлекетибиз аябай өнүгүп жатат" деп какшыктады.

БИШКЕК, 10-июн. — Sputnik. Санариптик өнүктүрүү министри Дастан Догоевдин этика тууралуу айтканы депутат Шайлообек Атазовду чычалатты.

Эл өкүлү бүгүн парламенттин жыйынында министрден "Коопсуз шаардын камералары коюлган жерлерге жол чийиндери сызылып, белгилери коюлуп, бүт шарттар түзүлгөнбү?" деп сураган.

Догоев айып пулдан түшкөн каражаттын 25 пайызы жергиликтүү бийликке берилерин айтып, жолду ошолор карашы керектигин белгиледи.

Андан соң диалог төмөнкүчө уланды:

Атазов: — Ошол мекемелер өз милдеттерин аткарыптырбы?

Догоев: — Аны тиешелүү өз алдынча башкаруу органдарынан сураш керек.

Атазов: — Сурабайсызбы, анда эмне кылып отурасыз ал жерде?

Догоев: — Мен сизден суранам, мындай этикага байланыштырып сурасаңыз.

Атазов: — Сиз мага этиканы үйрөтпөңүз! Сизден эл өкүлү катары сурап жатам.

Догоев: — Мен сизге үйрөткөн жокмун, сизден суранып жатам деп айттым.

Атазов: — Коопсуз шаардан үлүш алып отурган жергиликтүү мекемелер ошого жараша жолдо айдоочуларга шарт түзүп бериптирби деп сурадым.

Догоев: — Буга жол коопсуздугун караган Ички иштер министрлиги жооп берсин.

Министр ошону менен сөзүн жыйынтыктады. Андан соң ЖКККББ жетекчисинин орун басары Ыманалы Саркулов жооп берди.

Буга да канааттанбаган Атазов "министрлер кабинетинде этикалуу адамдар аябай көп экен. Ошон үчүн мамлекетибиз аябай өнүгүп жатат. Этикалуу болуп столду кучактап отурасыңар, бул жактагы элдин чөнтөгүн кактап" деп нааразы болду.

Тема боюнча

Асманда жүрбөй отчётун берсин. Министр Бейшеналиев парламентке чакырылды
Белгилер:
этика, айтышуу, Дастан Догоев, Шайлообек Атазов

ЭҢ МААНИЛҮҮ