21:21 23 Теке 2021
Түз эфир
  • USD84.2620
  • EUR99.2101
  • RUB1.1423
Коом
Кыскача шилтеме алуу
90 0 0

2021-жылдагы туристтик мезгилдин ачылышы менен "Ысык-Көл" аэропортуна Ош жана Жалал-Абад шаарларынан түз учууга мүмкүнчүлүк түзүлүүдө.

БИШКЕК, 28-май — Sputnik. Ош жана Жалал-Абад шаарларынан Ысык-Көлгө түз авиакаттамдар ачылат. Бул тууралуу "Манас" эл аралык аэропортунун маалымат кызматы билдирди.

2021-жылдагы туристтик мезгилдин ачылышы менен "Ысык-Көл" аэропортуна Ош жана Жалал-Абад шаарларынан түз учууга мүмкүнчүлүк түзүлүүдө.

18-июндан тартып "Тез жет" авиакомпаниясы Ош — Ысык-Көл — Ош жана Жалал-Абад — Ысык-Көл — Жалал-Абад туруктуу эки каттамды ачат.

Ош шаарынан каттамдар жумасына үч ирет — шаршемби, жума жана жекшемби күндөрү жүргүзүлөт. Ал эми Жалал-Абаддан каттамдар жумасына эки ирет, дүйшөмбү жана бейшемби күндөрү учат.

Билдирүүдө "Манас" эл аралык аэропорту" авиабилеттерди сатуу менен алектенбей турганы, бааны көзөмөлдөбөй, ага таасир эте албасы белгиленет.

Башкы аба майданынын жетекчилиги ошондой эле авиакомпания менен жүргүнчүлөрдүн ортосундагы финансылык карым-катнашка кийлигишпейт.

Тема боюнча

Министрликте Бишкек — Тегеран авиакаттамын жандантуу талкууланды
Ростов-на-Дону шаарынан Ошко авиакаттам ачылып, биринчи жүргүнчүлөр келди. Сүрөт
Белгилер:
Ысык-Көл, Жалал-Абад, Ош, авиакаттам, "Манас" эл аралык аэропорту

ЭҢ МААНИЛҮҮ