Баткенден эвакуациялангандардын так саны белгилүү болду

© AFP / DANIL USMANOVБаткенден эвакуациялангандардын кишилер
Баткенден эвакуациялангандардын кишилер - Sputnik Кыргызстан, 1920, 05.05.2021
Жазылуу
Буга чейин өмүрүнө коркунуч жаралып, жашаган жеринен чыгарылгандардын саны 33 миңден ашык экени айтылып келген.
БИШКЕК, 5-май — Sputnik. Баткен облусундагы кыргыз-тажик жаңжалында эвакуацияланган жашоочулардын саны 40 649га жеткен. Бул тууралуу өзгөчө кырдаалдар министринин орун басары Урматбек Шамырканов билдирди.
Анын айтымында, Баткен районунун Миң-Булак, Үч-Дөбө, Таш-Тумшук, Көк-Таш, Ак-Сай, Көк-Терек, Орто-Боз, Самаркандек айылдарынан 14 365 жаран эвакуацияланган. Ал эми Лейлек районунун Борбордук, Интернационал, Арка, Саада, Максат жана Достук айылдарынан 26 288 киши чыгып кетүүгө аргасыз болгон.
Буга чейин өмүрүнө коркунуч жаралганына байланыштуу 33 миңдей баткендик жашаган жерин убактылуу таштап кеткени айтылып жаткан.

Баткен чек арасындагы кандуу кагылыш

Головной суу бөлүштүрүүчү - Sputnik Кыргызстан, 1920, 04.05.2021
Фотофакт: жаңжал тутанган "Головной" суу бөлүштүрүүчү жайдын асмандан көрүнүшү

Адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кетти. Анын кесепетинен 36 кыргызстандык жаран көз жумду. Алардын үчөө аскерлер, экөө — 13 жаштагы өспүрүм кыз менен төрт жаштагы эркек бала, ал эми калган 31 адам жергиликтүү калк жана башка аймактардан элге жардам беребиз деп келген кыргызстандыктар болду. 150гө чукул киши октон, таштан жаракат алып ооруканага түштү.

Кол салуунун кесепетинен 170тен ашуун турак жай, медициналык жана билим берүү мекемелеринин имараттары, инфраструктура объектилери жана жарандардын мүлктөрү күйүп жок болду.
Жаңылыктар түрмөгү
0