Дем алуусун байкагыла. Баланын коронавирусту оор көтөрүп жатканы кантип билинет

© Sputnik / Евгений Биятов / Медиабанкка өтүүМедициналык кызматкер ооруканада бала менен. Архив
Медициналык кызматкер ооруканада бала менен. Архив - Sputnik Кыргызстан, 1920, 03.05.2021
Жазылуу
Адистин айтымында, баланын дем алуусуна жана денедеги кызыл бүдүр тактарына жакшылап көңүл буруу керек.
БИШКЕК, 3-май. — Sputnik. Коронавирус инфекциясын балдар оор көтөрүп жатканын кантип байкаса болорун РИА Новости агенттигине Роспотребнадзордун эпидемиологу Александр Горелов айтып берди.
"Баланын дем алуусу оорлосо, үч күндөн ашык дене табы көтөрүлсө дарыгерге кайрылып, рентгенографияга түшүшү керек. Бул вирус организмди алсыратып, илдет оор өтүп жатканынан кабар берет", — деди Горелов.
Ошондой эле баланын денесине кызыл бүдүрлөрдүн чыгышы Кавасаки синдромунан да кабар берет. Ал эми сасык тумоонуку сыяктуу белгилерден коркуунун кереги жок, бирок такыр да көңүл бурбай койгон болбойт.
Адис кошумчалагандай, адатта чоңдорго салыштырмалуу балдарда коронавирус инфекциясы жеңил өтөт. Бир жылдык изилдөө жугуштуу ооруну оор көтөргөндөр бейтаптардын 0,2 пайызын балдар түзгөн.
Жаңылыктар түрмөгү
0