12:52 11 Бугу 2021
Түз эфир
  • USD84.7112
  • EUR103.0978
  • RUB1.1491
Коом
Кыскача шилтеме алуу
98 0 0

Боксчу илгертеден бери күндөлүк жазгандыктан китеп чыгарууну ойлоп жүргөнүн айтат. Китебинин бет ачары ушул ишемби күнү өтөт.

БИШКЕК, 22-апр. — Sputnik. Кыргызстандык белгилүү боксчу Орзубек Назаров өзү тууралуу кыргыз жана орус тилдеринде "Кайрадан согуш" аталышындагы китебин чыгарды. Бул тууралуу спорт ишмери Sputnik агенттигине билдирди.

  • Книга легендарного боксера Орзубека Назарова на двух языках
    Кыргызстандык белгилүү боксчу Орзубек Назаров өзү тууралуу кыргыз жана орус тилдеринде "Кайрадан согуш" аталышындагы китебин чыгарды
    © Фото / предоставлено Орзубеком Назаровым
  • Легендарный боксер Орзубек Назаров с писателем Чынгызом Исмаиловым со их книгой выпущенной на двух языках
    Назаровдун айтымында, китепти жаш жазуучу Чыңгыз Исмаилов менен биргеликте чыгарды
    © Фото / предоставлено Орзубеком Назаровым
1 / 2
© Фото / предоставлено Орзубеком Назаровым
Кыргызстандык белгилүү боксчу Орзубек Назаров өзү тууралуу кыргыз жана орус тилдеринде "Кайрадан согуш" аталышындагы китебин чыгарды

Назаровдун айтымында, китепти жаш жазуучу Чыңгыз Исмаилов менен биргеликте чыгарды.

"Китеп жазууну көптөн бери ойлонуп жүргөм, каалоом бар болчу. Себеби 1983-жылдан бери күндөлүк жазып келем. Китепте беттештеримдин тарыхы, ой толгоолорум, өйдө-ылдый болгон учурларым жана башкалар жөнөкөй тил менен жазылган. Андан тышкары, сленгдерим, тамашаларым, башымдан өткөн окуялар камтылган. Ошондой эле архивдик сүрөттөр бар. Окурмандарга кызыктуу болот деп ишенем", — деди ал.

Ал китепти 2019-жылы жазып бүткөнүн, 2020-жылы пандемияда басмаканалар иштебегендиктен эми чыгарып жатканын кошумчалады.

Китептин бет ачары 24-апрелде, ишемби күнү, саат 14.00дө өтөт. Китеп орус жана кыргыз тилдеринде жалпы 1000 нуска менен чыккан. Баасы 500 сом.

Орзубек Назаров профессионалдык бокстун WBA версиясы боюнча дүйнөнүн жети жолку чемпиону, СССРдин эмгек сиңирген спорт чебери, КРдин Бокс федерациясынын вице-президенти.

Тема боюнча

Көчөдө тамашалашкан Мухаммед Али менен Орзубек Назаров. Таберик сүрөт
Атаандашы 7-раунддан кийин чыкпай койду. Боксчу Акжолдун жеңиши видеодо
"Кыйратуучу сокку". Нигериялык мушкер атаандашын оор нокаутка кетирген видео
Белгилер:
китеп, спорт, бокс, Орзубек Назаров, Кыргызстан

ЭҢ МААНИЛҮҮ