https://sputnik.kg/20210416/alymkadyr-bejshenaliev-ysyk-kol-tamyry-tuuraluu-1052152606.html
Министр уу коргошун боюнча: президент экөөбүз кайнатмасын даярдап жатабыз
Министр уу коргошун боюнча: президент экөөбүз кайнатмасын даярдап жатабыз
Sputnik Кыргызстан
Кечээ президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. 16.04.2021, Sputnik Кыргызстан
2021-04-16T12:23+0600
2021-04-16T12:23+0600
2021-12-15T22:52+0600
жаңылыктар
коом
кыргызстан
садыр жапаров
алымкадыр бейшеналиев
коронавирус
ысык-көл тамыры
уу коргошун чуусу
аконит
https://sputnik.kg/img/07e4/0c/1f/1050956576_0:129:3067:1854_1920x0_80_0_0_18d0e3cd48eeba87e6d43d6bced16fb6.jpg
БИШКЕК, 16-апр. — Sputnik. Учурда социалдык тармактарда уу коргошун деп айтылып, коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатат. Бул тууралуу Sputnik агенттигине саламаттык сактоо жана социалдык өнүктүрүү министри Алымкадыр Бейшеналиев билдирди.Кабарчы ага социалдык тармактарда коронавируска каршы президент Садыр Жапаров сунуштаган дары делип активдүү талкууланып жаткан "Ысык-Көл тамыры" ден соолукка канчалык пайда же зыян алып келерин билүү үчүн кайрылган.Ошондой эле ал президент абакта жаткан кезде бул "дарыны" сунуштаганын кошумчалады.Мындан тышкары, министр кыргыздар бул кайнатма менен беш кылым мурда эле дарыланып жүргөнүн айтты. Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.
https://sputnik.kg/20210415/sadyr-zhaparov-koronavirus-daryloo-ykmasy-1052147439.html
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, коом, кыргызстан, садыр жапаров, алымкадыр бейшеналиев, коронавирус, ысык-көл тамыры, уу коргошун чуусу, аконит
жаңылыктар, коом, кыргызстан, садыр жапаров, алымкадыр бейшеналиев, коронавирус, ысык-көл тамыры, уу коргошун чуусу, аконит
Министр уу коргошун боюнча: президент экөөбүз кайнатмасын даярдап жатабыз
12:23 16.04.2021 (Жаңыртылды: 22:52 15.12.2021) Кечээ президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан.
БИШКЕК, 16-апр. — Sputnik. Учурда социалдык тармактарда уу коргошун деп айтылып, коронавируска каршы дары катары активдүү талкууланып жаткан "Ысык-Көл тамыры" аталышындагы чөптүн кайнатмасы республика боюнча бардык ооруканаларда коронавируска кабылгандарга берилип жатат. Бул тууралуу Sputnik агенттигине саламаттык сактоо жана социалдык өнүктүрүү министри Алымкадыр Бейшеналиев билдирди.
Кабарчы ага социалдык тармактарда коронавируска каршы президент Садыр Жапаров сунуштаган дары делип активдүү талкууланып жаткан "Ысык-Көл тамыры" ден соолукка канчалык пайда же зыян алып келерин билүү үчүн кайрылган.
"Ал Кыргызстан боюнча бардык ооруканаларда берилип жатат. Дозасын президент өзү аныктап, өзү кайнатып жатат мени менен бирге. Бүгүн саат 13.00дө интервью берем, ошол жерден баарын айтам", — деди министр.
Ошондой эле ал президент абакта жаткан кезде бул "дарыны" сунуштаганын кошумчалады.
"Жапаров Жээнбековго кайрылып, ал укпай койгондо мага "сен дарылап көр" деп айткан. Мен туугандарымды дарылагам. Бүгүн журналисттерге кантип ичиш керектигин көрсөтөм. Ошол жерде өлбөгөнүмдү көрөсүңөр. Анткени мен министр катары жоопкерчиликти өз мойнума алышым керек", — деди ал.
Мындан тышкары, министр кыргыздар бул кайнатма менен беш кылым мурда эле дарыланып жүргөнүн айтты.
Буга чейин президент Садыр Жапаров Кыргызстандын дарыгерлери коронавирустан
2-3 күндө айыктырган ыкма тапканын айткан. Көп өтпөй
социалдык тармактагы баракчасына он-чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.
Дүйнөлүк саламаттык сактоо уюмунун Кыргызстандагы өкүлчүлүгүнүн башчысы Назира Артыкованын
Kaktus Media порталына билдиргенине караганда, "Ысык-Көл тамырынын" кайнатмасы менен коронавирусту дарыласа болот деп ойлоо туура эмес.
Журналисттин сөз болуп жаткан кайнатма менен коронавирустан арылса болобу деген суроосуна ал "Мүмкүн эмес. Бардык жерде илимий далил керек" деп жооп берди.
Кыргызстанда 2007-жылдан тарта 2018-жылга чейин жергиликтүү ЖМКлар "Ысык-Көл тамырынын" кайнатмасына ууланып көз жумгандар көп болгонун жазышкан.
