06:17 22 Тогуздун айы 2021
Түз эфир
  • USD84.8000
  • EUR98.7242
  • RUB1.1945
Коом
Кыскача шилтеме алуу
84 0 0

Жергиликтүү тургундар беш күндөн бери үйлөрүнөн кум аралаш кир суу чыгып жатса да тиешелүү тараптар чара көрбөгөнүн айтышууда. Шаар мэри болсо эч кимден кайрылуу түшпөгөнүн билдирди.

БИШКЕК, 14-апр. — Sputnik. Жалал-Абад шаарынын Спутник кичи районунда беш күндөн бери үйлөрдөн кум аралаш кир суу чыгып жатат. Бул тууралуу Sputnik Кыргызстан агенттигине жергиликтүү тургун Кристина Генкель билдирди.

Анын айтымында, кир суу чыккан алгачкы күнү эле алар шаардык "Суу канал" башкармалыгына кайрылышкан.

"Биз биринчи күнү эле өзүбүз жашаган көп кабаттуу үйдүн комитет төрайымы менен биргеликте тиешелүү жактарга кайрылганбыз. Комитет башчыбыз "Суу каналдын" жетекчилиги менен да сүйлөшкөн. Бирок ал биздин кайрылууга эч кандай чара көрбөй, керек болсо чалуубузга да таптакыр жооп бербей калды. Беш күн эч ким жооп берген жок", — деди Генкель.

Ошондой эле ал суу менен иштеген тиричилик буюмдары кумга толуп жараксыз болуп калат деп аларды иштетпей жаткандыгын билдирди.

Аталган маселе менен Жалал-Абад шаарынын мэри Эрнисбек Ормоков менен байланыштык. Ал буга чейин тургундардан эч кандай кайрылуу түшпөгөнүн айтып, "Суу канал" башкармалыгынын жетекчилигине тиешелүү тапшырма берерин билдирди.

"Менин мындан кабарым жок экен, эч ким айткан эмес. Эгерде кайсы бир жетекчи арыз-муңду жоопсуз калтырган болсо, анда аларга чара көрөм. Бул маселе менен "Суу канал" башкармалыгынын жетекчисин чакырып, тиешелүү тапшырма берем", — деди шаар мэри.

Ормоков шаардын Спутник кичи районундагы суу түтүктөрүнүн эскилиги жеткенин айтып, жай мезгилинде жаңы түтүктөр орнотуларын кошумчалады.

Тема боюнча

Суу аз, электр энергиясын үнөмдөш керек. Марипов тапшырма берди
Белгилер:
Жалал-Абад, мэрия, кир суу, кум

ЭҢ МААНИЛҮҮ