17:32 17 Чын Куран 2021
Түз эфир
  • USD84.8000
  • EUR101.5734
  • RUB1.1224
Коом
Кыскача шилтеме алуу
Бишкекте 27 жаштагы кыздын уурдалып, өлтүрүлүшү (42)
0 0

27 жаштагы Айзада Канатбекованы таанышы ала качып кетип, эки күндөн кийин экөөнүн тең сөөгү Бишкектин четинен табылган. Учурда милиция кызды аны уурдап кеткен адам өлтүргөн деген версияны айтууда.

БИШКЕК, 9-апр. — Sputnik. Ала качуунун курмандыгы болгон Айзада Канатбекованын өлүмү бул кылмыштуу көрүнүштү жок кылуу керектигин дагы бир жолу эскертти. Мындай билдирүүнү Кыргызстандагы Бириккен Улуттар Уюму (БУУ) таратып, каргашалуу окуя боюнча өз позициясын билдирди.

"Калкты жайгаштыруу боюнча БУУнун фондунун сурамжылоосу көрсөткөндөй, өлкөдө ар бир бешинчи аял мажбурлоо аркылуу турмушка чыгат. Никеге мажбурлоо — бул кылмыш, мындай көрүнүш өлкөдө чоң көйгөй бойдон калууда. ЮНИСЕФтин маалыматы боюнча, Кыргызстанда 20-24 жаштагы аялдардын 13 пайызы 18 жашка чейин нике курушат", — деп айтылат билдирүүдө.

БУУ жапа чеккендерге коопсуздук менен адилеттүү сот жараянын камсыздап, кылмышкерлерди мыйзам чегинде жоопко тартууга чакырат. Ошондой эле аялдарга жана кыздарга карата зомбулуктун алдын алууга, жоюуга багытталган мыйзамдарды туруктуу ишке киргизүүгө жана аткарууга чакырат.

"Президент Садыр Жапаров менен премьер-министр Улукбек Марипов расмий билдирүүлөрүндө Айзада Канатбекованын өлүмүн алдын алса боло турган улуттук трагедия катары сыпаттады. БУУ бул билдирүүлөрдү кубаттайт. Уюм аялдарга жана кыздарга карата көрсөтүлгөн зомбулуктун бардык түрлөрүнө каршы", — деп айтылат билдирүүдө.

Айзаданын өлүмү

Эске салсак, 5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп башташкан. Бишкек шаардык Биринчи май райондук милициясына саат 7:30да кабарлаган. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

Ал эми 7-апрелде изделип жаткан автоунаа Бишкекке жакын жердеги Арашан менен Чокморов айылдарынын ортосунан табылган. Бул тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип үч шектүү кармалды.

8-апрель күнү Биринчи май райондук ички иштер башкармалыгынын кызматкерлерине шалаакылык боюнча кылмыш иши козголду.

Тема:
Бишкекте 27 жаштагы кыздын уурдалып, өлтүрүлүшү (42)

Тема боюнча

Айзаданын өлүмү: Биринчи май РИИБдин кызматкерлерине кылмыш иши козголду
Министр кызды табууга эмнеге "Коопсуз шаар" жардам бербегенин айтты. Видео
ШИИБ башчысы: Айзаданы издөөгө 210 милиционер тартылган
Белгилер:
кайрылуу, кыз ала качуу, БУУ, Айзада Канатбекова

ЭҢ МААНИЛҮҮ