18:18 17 Чын Куран 2021
Түз эфир
  • USD84.8000
  • EUR101.5734
  • RUB1.1224
Коом
Кыскача шилтеме алуу
Бишкекте 27 жаштагы кыздын уурдалып, өлтүрүлүшү (42)
0 0

Премьер-министр сүйлөп жаткан кезде топтолгон жарандар улам-улам "Уят!" деп кыйкырып жатышты. Алар ИИМ менен Бишкек шаардык ИИББинин жетекчисин отставкага кетирүүнү талап кылып жатышты.

БИШКЕК, 8-апр. — Sputnik. Премьер-министр Улукбек Марипов Өкмөт үйүнүн алдына келип митинг кылгандарга ички иштер министри Уланбек Ниязбековду отставкага кетирүү боюнча маселе бийлик тарабынан караларын айтты.

Каршылык акциясы учурунда өкмөт башчы кызматтык иликтөө жүрүп жаткандыктан анын жыйынтыгын күтүү керектигин айтты. Митингчилер болсо ИИМ башчысынын отставкасын талап кылып, Ниязбековдун алардын алдына чыкпай койгонуна нааразы болушту.

Марипов президент Садыр Жапаров дагы бул маселени өз көзөмөлүнө алганын белгиледи.

"Мен дагы бул окуяга кайгырып турам. Жүрөгүм менен айтып жатам. Бул окуя боюнча чаралар көрүлөт. Учурда кызматтык териштирүү жүрүүдө. ИИМ башчысынын жоопкерчилиги боюнча маселе дагы каралат. Бир аз убакыт бериңиздер. Териштирүү бүтмөйүнчө ким күнөөлүү экенин айта албайм", - деди Марипов митингчилердин алдына чыгып.

Премьер-министр сүйлөп жатканда топтолгон жарандар улам-улам "Уят!" деп кыйкырып жатышты. Алар ИИМ менен Бишкек шаардык ИИББинин жетекчисин отставкага кетирүүнү талап кылышууда. Эл алдына чыгып сүйлөгөндөн кийин премьер кайра Өкмөт үйүнө кирип кетти.

Алгач 300дөй адам ИИМдин имаратынын алдына топтолуп, алардын алдына министрдин чыгышын талап кылышкан. Бирок министрдин жаңы орун басары Нурбек Абдиев келип митингчилерге милиционерлер жазага тартыларын убадалаган. Бирок жарандар "Уят!", "Позор!" деп кыйкырышып аны көпкө сүйлөтүшкөн жок. Митингчилер министрди чакырышканы менен ал сыртка чыккан жок.

Мындан улам акциянын катышуучулары Өкмөт үйүнө барганда алардын алдына Марипов чыкты.

Тема:
Бишкекте 27 жаштагы кыздын уурдалып, өлтүрүлүшү (42)

Тема боюнча

Президент Жапаров Айзаданын өлүмү боюнча үн катты
Милиционерлер Айзада жана аны ала качкандар менен 5-апрелде сүйлөшкөнүн айтты
Парламентте кыз ала качкандарды 15 жылга эркинен ажыратуу сунушталды
Белгилер:
ИИМ, бийлик, митинг, Улукбек Марипов, Кыргызстан

ЭҢ МААНИЛҮҮ