https://sputnik.kg/20210408/sadyr-zhaparov-ajzada-ala-kachuu-zhaza-1052045121.html
Президент Жапаров Айзаданын өлүмү боюнча үн катты
Президент Жапаров Айзаданын өлүмү боюнча үн катты
Sputnik Кыргызстан
Президент кыз ала качуу аракеттерин көрүп калган Кыргызстандын бардык жарандарын кайдыгер болбоого чакырды. 08.04.2021, Sputnik Кыргызстан
2021-04-08T14:06+0600
2021-04-08T14:06+0600
2021-12-14T14:27+0600
жаңылыктар
коом
кыргызстан
окуялар
саясат
садыр жапаров
кыз ала качуу
мыйзам
жаза
бишкекте 27 жаштагы кыздын уурдалып, өлтүрүлүшү
https://sputnik.kg/img/07e5/04/08/1052045084_0:48:2836:1651_1920x0_80_0_0_b26190395a07714212722a7a8ffbf12f.jpg
БИШКЕК, 8-апр. — Sputnik. Айзада Канатбекованын ишин жеке көзөмөлүмө алам. Бул иш аягына чыгарылышы зарыл жана жазасы сөзсүз болот. Бул тууралуу президент Садыр Жапаров өзүнүн Facebook баракчасы аркылуу айтты.Мамлекет башчысы кыз ала качуу, зордоп кармоо менен аларды эркине койбой никеге турууга мажбурлоо ар дайым трагедияга алып келерин белгилеген.Президент кыз ала качуу аракеттерин көрүп калган Кыргызстандын бардык жарандарын кайдыгер болбоого чакырды.Мамлекет башчысы Айзада Канатбекованын үй-бүлөсүнө терең кайгыруу менен көңүл айтты."Белиңиздерди бекем бууңуздар. Бул каргашалуу окуяга түздөн-түз катышкандар мыйзам чегинде катуу жазаланат", — деди ал.Айзаданын өлүмүЭске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Милиция тарабынан изделип жаткан автоунаа 7-апрелде Чүйдөгү Арашан менен Чокморов айылдарынын ортосунан табылган.Жергиликтүү чабан автоунааны 5-6-апрель күндөрү эле көргөнүн айтып, бирок маани бербегенин билдирген. Ал 7-апрелде гана автоунаанын жанына барып, салондун ичинен эки адамдын сөөгүн көрүп дароо милицияга чалган. Милициянын алдын ала божомолу боюнча, 36 жаштагы киши уруш-талаштан кийин кызды муунтуп, андан кийин өзүн бычактап, өмүрүн кыйган.Милициянын ыкчам-тергөө тобу тарабынан кызды ала качууга катыштыгы бар делген адамдар изделип, жыйынтыгында 29 жаштагы Р.А. аттуу шектүү кармалган. Ал Тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазышканын айтып, бирок издөө иштери кечеңдеп жатканына нааразы болушкан.
https://sputnik.kg/20210408/osh-shaary-miting-zombuluk-surot-1052044600.html
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, коом, кыргызстан, окуялар, саясат, садыр жапаров, кыз ала качуу, мыйзам, жаза, бишкекте 27 жаштагы кыздын уурдалып, өлтүрүлүшү
жаңылыктар, коом, кыргызстан, окуялар, саясат, садыр жапаров, кыз ала качуу, мыйзам, жаза, бишкекте 27 жаштагы кыздын уурдалып, өлтүрүлүшү
Президент Жапаров Айзаданын өлүмү боюнча үн катты
14:06 08.04.2021 (Жаңыртылды: 14:27 14.12.2021) Президент кыз ала качуу аракеттерин көрүп калган Кыргызстандын бардык жарандарын кайдыгер болбоого чакырды.
БИШКЕК, 8-апр. — Sputnik. Айзада Канатбекованын ишин жеке көзөмөлүмө алам. Бул иш аягына чыгарылышы зарыл жана жазасы сөзсүз болот. Бул тууралуу президент
Садыр Жапаров өзүнүн Facebook баракчасы аркылуу айтты.
Мамлекет башчысы кыз ала качуу, зордоп кармоо менен аларды эркине койбой никеге турууга мажбурлоо ар дайым трагедияга алып келерин белгилеген.
"Айзада Канатбекованын ала качылгандыгы жана анын өлүмү жөнүндө кабарды терең кайгыруу менен кабыл алдым. Коомубузда кыздарды мажбурлап никеге тургузуу дагы деле болуп жатканы кабыл алынгыс көрүнүш. Айзаданын башына келген окуя анын үй-бүлөсү үчүн гана эмес, биздин жалпы мамлекетибиз үчүн чоң трагедия. Ала качууга жана жарандарды күч менен кармоого салым кошкондор үчүн кечирим жок. Айзада Канатбекованы ала качып, ага ушунчалык ырайымсыз мамиле кылган кайгылуу окуя тарыхта ала качуунун акыркысы болушу керек", — деди Жапаров.
Президент кыз ала качуу аракеттерин көрүп калган Кыргызстандын бардык жарандарын кайдыгер болбоого чакырды.
Мамлекет башчысы Айзада Канатбекованын үй-бүлөсүнө терең кайгыруу менен көңүл айтты.
"Белиңиздерди бекем бууңуздар. Бул каргашалуу окуяга түздөн-түз катышкандар мыйзам чегинде катуу жазаланат", — деди ал.
Эске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Милиция тарабынан изделип жаткан автоунаа 7-апрелде Чүйдөгү Арашан менен Чокморов айылдарынын ортосунан табылган.
Жергиликтүү чабан автоунааны 5-6-апрель күндөрү эле көргөнүн айтып, бирок маани бербегенин билдирген. Ал 7-апрелде гана автоунаанын жанына барып, салондун ичинен эки адамдын сөөгүн көрүп дароо милицияга чалган. Милициянын алдын ала божомолу боюнча, 36 жаштагы киши уруш-талаштан кийин кызды муунтуп, андан кийин өзүн бычактап, өмүрүн кыйган.
Милициянын ыкчам-тергөө тобу тарабынан кызды ала качууга катыштыгы бар делген адамдар изделип, жыйынтыгында 29 жаштагы Р.А. аттуу шектүү кармалган. Ал Тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.
Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.
Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазышканын айтып, бирок издөө иштери кечеңдеп жатканына
нааразы болушкан.
