Кыргызстанда коронавирус 161 кишиден табылып, үч бейтап көз жумду

© Sputnik / Илья ПиталевОоруканадагы бейтап. Архив
Ооруканадагы бейтап. Архив - Sputnik Кыргызстан, 1920, 07.04.2021
Жазылуу
Оору жуктургандардын басымдуу бөлүгү Бишкек шаары менен Чүй облусунда катталган. Каза тапкан бейтаптар дагы ушул эки аймактан.
БИШКЕК, 7-апр. — Sputnik. Өткөн суткада Кыргызстанда коронавирус 161 адамдан аныкталган. Бул тууралуу Республикалык штаб кабарлады.
Жуктургандар:
  • Бишкек – 97;
  • Ош шаары – 6;
  • Чүй облусу – 46;
  • Талас облусу – 3;
  • Нарын облусу – 1;
  • Ысык-Көл облусу – 7;
  • Жалал-Абад облусу – 1.
Ушуну менен оору илештиргендердин жалпы саны 89 438ге жетти. Анын ичинен 85 496 адам дартты жеңген.
Айыккандар:
  • Бишкек – 67;
  • Чүй облусу – 32;
  • Нарын облусу – 2;
  • Ысык-Көл облусу – 4;
  • Жалал-Абад облусу – 2;
  • Баткен облусу – 1.
Тилекке каршы, өткөн суткада дарт үч адамдын өмүрүн алды. Анын ичинен экөө Бишкектен болсо, бирөө Чүй облусунан. Жалпысынан Кыргызстанда коронавирустан 1 512 бейтап каза тапты.
Учурда стационарда 690 бейтап дарыланууда, алардын ичинен 147 адамдын абалы оор. Ал эми 23 кишинин абалы өтө оор деп бааланууда.
Жаңылыктар түрмөгү
0