Кызматка жабышайын деген оюм жок. Онкология борборунун жетекчиси иштен кетти

© Sputnik / Асель АкматалиеваОнкология жана гематология боюнча улуттук борбордун директору Эрнис Тилеков
Онкология жана гематология боюнча улуттук борбордун директору Эрнис Тилеков - Sputnik Кыргызстан, 1920, 06.04.2021
Жазылуу
Онкология борборунун директору "актанбайм жана жетекчинин креслосуна жабышууну каалабайм" деген пикирин айткан.
БИШКЕК, 6-апр. — Sputnik. Онкология жана гематология боюнча улуттук борбордун директору Эрнис Тилеков кызматтан кетүү чечимин кабыл алды.
"Өз каалоом менен Онкология жана гематология боюнча улуттук борбордун директорлук кызматын тапшырып берем. Себеби талашып-тартышууну, актанууну жана жетекчинин креслосуна жабышууну каалабайм. Менин турмуштук принцибим — жаратмандык жана топтолгон көйгөйдү конструктивдүү жол менен чечүү", — деген ал.
Тилеков Онкология жана гематология боюнча улуттук борборду 2017-жылдан бери жетектеп келет.
Жогорку Кеңештин депутаты Мирлан Бакиров. Архив - Sputnik Кыргызстан, 1920, 30.03.2021
"Мекеним Кыргызстандын" лидери Мирлан Бакиров Маммүлктүн төрагасы болду
"Мага ишенип тапшырылган кызматта төрт жыл иштеп пайдалуу көп тажрыйба алдым. Бардык пландар аткарылбай калганына жана COVID-19 пандемиясына дагы көп көйгөйлөр кошулганына өкүнөм. Андыктан ордума келген кишиге мага караганда дагы бир топ кыйын болсо керек. Менден кийин келген жетекчиге чыдамдуулук, ийгилик жана адамдардын ден соолугу үчүн коюлган максаттарына жетишин каалайм", — деди Тилеков.
Ал ишке клиницист катары жана билим берүү-агартуучулук тажрыйбасын бөлүшүү үчүн кайтарын айтты.
Жаңылыктар түрмөгү
0