04:53 06 Бугу 2021
Түз эфир
  • USD84.7914
  • EUR101.7878
  • RUB1.1267
Коом
Кыскача шилтеме алуу
8610

Жолугушууда Жапаров Кыргызстан демократиянын принциптерин аткара тургандыгын айткан. Наталья Герман БУУ өлкөдөгү процесстердин өнүгүшүнө кылдат байкоо жүргүзүп жатканын баса белгилеген.

БИШКЕК, 30-мар. — Sputnik. Мамлекет башчы Садыр Жапаров БУУ баш катчысынын Борбор Азия боюнча атайын өкүлү Наталья Герман менен жолугушту. Бул тууралуу президенттин маалымат кызматы кабарлады.

Жолугушууда биргелешип кызматташуунун актуалдуу багыттары, өлкөдөгү коомдук-саясий процесстер жана эпидемиологиялык кырдаал боюнча пикир алышуу болгон.

"Садыр Жапаров бүгүнкү күндө өлкөдө кырдаал туруктуу экенин, Конституциянын жаңы редакциясын кабыл алуу боюнча референдум өткөрүүгө даярдыктар көрүлүп жатканын баса белгиледи", — деп жазылат маалыматта.

Өз кезегинде Наталья Герман БУУнун Башкы катчысы Антонио Гутерреш Борбордук Азия чөлкөмүндөгү, айрыкча, Кыргызстандагы процесстердин өнүгүшүнө кылдат байкоо жүргүзүп жатканын айтты. 

 Президент КР Садыр Жапаров встретился со специальным представителем Генерального секретаря ООН по Центральной Азии Натальей Герман
© Пресс-служба президента КР / Султан Досалиев
Мамлекет башчы Садыр Жапаров БУУ баш катчысынын Борбор Азия боюнча атайын өкүлү Наталья Герман менен жолугушту

Ал кыргыз тарапты эл аралык өнөктөштөрү менен биргеликте аргасыздан чет өлкөдө калган 79 баланы Ирактан кайтаруу боюнча гуманитардык операциянын ийгиликтүү ишке ашырылышы менен куттуктады.

"Наталья Герман берген маалыматтар боюнча, үстүбүздөгү жылдын жайында "Нью-Йорктогу контртеррористтик жумалык" аттуу терроризмге каршы акция өткөрүү пландаштырылган. Анда Кыргызстандын өз жарандарын мекенине кайтаруу боюнча ийгиликтүү тажрыйбасы кеңири чагылдырылат", — деп айтылат билдирүүдө.

Жолугушуунун жыйынтыгында Жапаров Кыргызстан демократиянын, адам укуктарынын принциптерин, ошондой эле өзүнүн бардык эл аралык милдеттенмелерин аткара турганына дагы бир ирет ишендирип, айтылган бардык маселелер боюнча активдүү кызматташууга даяр экенин кошумчалаган.

Тема боюнча

Элчи РФ президентинин атайын өкүлү менен жолукту. Талкууланган маселе
Белгилер:
талкуу, жолугушуу, БУУ, Садыр Жапаров

ЭҢ МААНИЛҮҮ