Өз күнүн көрүшү керек! Чоңойгон уулун бөлгүсү келбеген ата-энелерге кеңеш

© Sputnik / Александр Кряжев / Медиабанкка өтүүЖатканадагы студент. Архив
Жатканадагы студент. Архив - Sputnik Кыргызстан, 1920, 19.03.2021
Жазылуу
Психологдун айтымында, өзүн толугу менен балдарына арнап койгон ата-энелер кийин ыңгайсыз абалга туш болуп, уул-кыздарын дагы кыйнашат.
БИШКЕК, 19-мар. — Sputnik. Ата-эне бойго жеткен, бүлөлүү болгон балдарынан моралдык жактан көз каранды болбошу үчүн өз кызыкчылыктары жөнүндө эч качан унутпашы керек. Бул тууралуу РИА Новости агенттигине үй-бүлөлүк психолог Евгений Корчмарек айтып берди.
"Байкасаңар көпчүлүк ата-эне баласы үйлөнүп, өз алдынча болуп калганда деле бөлгүсү келбейт. Өзүмчө жашайм деген балдарына адатта апасы таарынат. Мындай учурда бала өзүн күнөөлүү сезип, эч жакка кете албайт. Бирок жаратылыш ошондой, бала чоңойгон соң анын өз жашоосу пайда болот", — деди адис.
Психологдун түшүндүргөнүнө караганда, мындай кырдаалга көпчүлүк учурда өзүн толугу менен балдарына арнап койгон ата-энелер туш болот. Алар балдары уядан учкандан кийин эмне иш кыларын билбей, кадимкидей стресске кабылышат.
Отношения между девушкой и парнем - Sputnik Кыргызстан, 1920, 14.03.2021
Аял менен эркектин ортосунда чыныгы достук болобу? Психологдун пикири
"Биздин коомдо айрым адамдар өзүнүн болгон-бүткөн миссиясы ата-эне болуу деп эсептейт. Бирок Европанын жашоочуларын карасаңар, балдары чоңойгон соң өздөрү үчүн жашашат. Саякатташат, кайрадан жумуш издешет, жаңы досторду күтүшөт. Биз эмнеге анте албайбыз", — дейт Корчмарек.
Мындан тышкары, адис ата-энелерди бул куракта балдарына көп таарына бербөөгө чакырат. Анткени дүйнөдөгү эң жакын адамдарынын ыраазычылыгын ала албаган бала өзүн ичинен жемелеп, байкалбай эле чүнчүп кетиши мүмкүн.
Жаңылыктар түрмөгү
0