Жогорку сотко караштуу Сот департаментинин статс-катчысы кармалды

© Фото / Pixabay / succoСудьянын балкасы жана китеби. Архив
Судьянын балкасы жана китеби. Архив - Sputnik Кыргызстан, 1920, 03.03.2021
Жазылуу
Статс-катчы кылмыштуу системага тийиштиги бар деген шек менен кармалды. УКМК буга чейин бул иш боюнча "Адилет сот" долбоорунун башчысы С.К.А. кармалганын эскертти.
БИШКЕК, 3-мар. — Sputnik. Улуттук коопсуздук комитети Жогорку соттун Сот департаментинин статс-катчысы К.С.А. кармалганын билдирди. Атайын кызматтын маалыматы боюнча, ал коррупциялык схемаларды түзгөн деп шектелүүдө.
Мекеменин сайтында Калмаков Сталбек Аманатович статс-катчы экени көрсөтүлгөн.
Барсетканын ичиндеги бир миң сомдук купюралар. Архив - Sputnik Кыргызстан, 1920, 03.03.2021
Камчы Көлбаев атайын эсепке 50 млн. сом которуп, дагы 200 млн. мойнуна илинди
УКМКнын маалымат кызматы билдиргендей, тергөөгө ылайык, 2018-жылы департаменттин кызмат адамдары сот аткаруучу кызматтын бөлүмдөрү үчүн "Сот тутумунун карызкорлорунун реестри" автоматташтырылган маалыматтык системаны, ошондой эле башка программаларды иштеп чыгуу жана аны ишке ашыруу боюнча формалдуу түрдө тендер өткөрүлгөн. Анда IT-компаниялар менен 4 миллион 84 миң 500 сомго жасалма келишим түзүлгөн.
Бирок, маалым болгондой, айтылган программалар Сот департаментинин алдындагы "Адилет сот" маалыматтык технологиялар башкармалыгынын адистери тарабынан буга чейин эле иштелип чыгып, жүзөгө ашырылган.
"Ага карабай Соттук департаменттин кызмат адамдары IT-компаниялар менен өз ара келишимге барышып, мурда эле иштелип чыгып жүзөгө ашырылып жаткан программаны иштеп чыгуу үчүн жалган келишим кабыл алышкан. Ал эми бөлүнгөн каражатты кымырышкан", — деп айтылат УКМКнын билдирүүсүндө.
Калкты тейлөө борборундагы кардарлар - Sputnik Кыргызстан, 1920, 22.02.2021
Матраимов өткөрүп берген соода жайында калкты тейлөө борбору ачылат
Статс-катчы бул кылмыштуу системага тийиштиги бар деген шек менен кармалды. УКМК буга чейин аталган иш боюнча "Адилет сот" долбоорунун башчысы С.К.А. кармалганын билдирди.
УКМК, ошондой эле, IT-компаниялардын бири жергиликтүү сот тутумун иштеп чыгуу жана жайылтуу боюнча башка кылмыш ишинде каралып жаткандыгын, анын соттолуучусу Жогорку Соттун төрайымы Гүлбара Калиева экендигин билдирди.
Жаңылыктар түрмөгү
0