19:37 26 Бирдин айы 2021
Түз эфир
  • USD84.7500
  • EUR102.9628
  • RUB1.1385
Коом
Кыскача шилтеме алуу
265 0 0

Өлкө башчы мекен чегин коргойм деген уулдары менен ата-энелер сыймыктанып, өлкө даңкталарын белгилеген.

БИШКЕК, 23-фев. — Sputnik. Президент Садыр Жапаров мырзаларды Ата Мекенди коргоочулар күнү менен куттуктап, армияга барууга чакырды.

Жапаров куттуктоосун Instagram баракчасына жазып, өзүнүн аскердеги сүрөтүн жарыялаган.

Посмотреть эту публикацию в Instagram

Публикация от Садыр Жапаров (@sadyr_japarov)

"Мен жалпы жаштарды, мектеп бүтүрүүчүлөрүн кыргыз армиясынын катарында кызмат кылууга үндөөр элем. Анткени аскердик милдет турмуш жолундагы кыйынчылыктарга туруштук берип, майтарылбас эркти бүлөйт. Эр жигитке ыйык болуп саналган Ата Мекенди, эл-жерди көздүн карегиндей сактоого күчтүү ишенимди, атуулдук парзды калыптандырат. Турмушка бышкан, патриот, эл-жеринин тынчтыкта бакубат жашоосуна жетишүүгө конкреттүү максат койгон эр-азаматтар тарбияланып чыгат", — деген президент.

Ошондой эле ата-энелер мекенди коргойм деген уулдары менен сыймыктанарын айткан.

"Ар бир ата, ар бир эне армияга кызмат кылган уулдары менен сыймыктанат. Ата журт дагы мындай уул-кыздары менен даңкталат. Демек, бул — чоң сыймык! Биз турмушта бышып жетилген, эрктүү, мекенчил жана билимдүү жаштар менен Кыргызстаныбыздын келечегине ак кызмат кылабыз. Урматтуу мекен коргоочулар, мекен чегин коргойм, өлкөмдү өнүктүрөм, эл-журтумдун байгер турмушун камсыздайм деген ой-максатыңар эч качан майтарылбасын, кайрат-күчүңөрдөн жазбагыла", — деп жазган Жапаров.

Жакында эле Sputnik Кыргызстан маалымат агенттиги Садыр Жапаровдун армиядагы дагы бир сүрөтүн чыгарган. Анда ал 20 жашта болчу.

Тема боюнча

Өкмөт башчы Улукбек Марипов Кой-Таштагы аскер бөлүккө барды. Сүрөт
Садыр Жапаров Ата Мекенди коргоочулардын күнү менен куттуктады
Белгилер:
сүрөт, чакыруу, куттуктоо, армия, президент, Садыр Жапаров

ЭҢ МААНИЛҮҮ