22:00 14 Чын Куран 2021
Түз эфир
  • USD84.8000
  • EUR101.4802
  • RUB1.1205
Коом
Кыскача шилтеме алуу
0 0

Кечээ күнү жогорку окуу жайда билим алган студенттердин митинги болуп өттү. Алар пандемия учурунда каржылык жактан аксап калгандыктан контрактын суммасын азайтууну талап кылышкан.

БИШКЕК, 16-фев. — Sputnik. Кыргызстандын өкмөтү жогорку окуу жайларда окуган студенттердин контракт баасын арзандатуу маселесин карап жатат. Бул тууралуу премьер-министр Улукбек Марипов Facebook баракчасы аркылуу билдирди.

"Президент Садыр Жапаров тапшырма берген болчу, биз ал боюнча иш алып барып жатабыз. 2020-жылы жогорку окуу жайлар, мектептер окуучулар менен студенттерди аралыктан окутушту. Азыр деле онлайн-форматта окуп жаткандар бар. Окуу жайлардын жетекчилери болжол менен 1000 сомго эле жеңилдик беришиптир. Бирок биз буга макул эмеспиз, маселени карап жатабыз", — деди Марипов.

Ал чечим кабыл алынары менен маалымат берүүнү убадалады.

15-февралда Билим берүү жана илим министрлигинин алдында жогорку окуу жайда билим алган студенттердин митинги болуп өттү. Алар пандемия учурунда каржылык жактан аксап калгандыктан контракттын суммасын азайтууну талап кылышкан.

Тема боюнча

Премьер-министр Марипов азык-түлүктү арзандатуунун төрт жолун айтты
Белгилер:
контракт, студент, Жогорку окуу жайы, пандемия, Кыргызстан

ЭҢ МААНИЛҮҮ