23:05 23 Теке 2021
Түз эфир
  • USD84.2620
  • EUR99.2101
  • RUB1.1423
Коом
Кыскача шилтеме алуу
Муфтияттагы чуулуу иш (19)
898 0 0

2020-жылдын декабрь айында Аалымдар кеңеши тарабынан муфтиятты текшерүү боюнча Финполго арыз келип түшкөн.

БИШКЕК, 12-фев. — Sputnik. Финансы полициясы тарабынан Кыргызстан мусулмандар дин башкармалыгына кылмыш иши козголду. Бул тууралуу аталган органдын маалымат кызматы кабарлады.

Билдирүүгө ылайык, 2020-жылдын декабрь айында Аалымдар кеңеши тарабынан муфтияттын ишмердүүлүгүн текшерүү боюнча Финполго арыз түшкөн.

Аталган факты Жазык кодексинин 233-беренеси ("Коммерциялык же башка уюмда ыйгарым укуктарын кыянаттык менен пайдалануу") менен КЖБРге катталган.

Азыркы тапта тергөөнүн алкагында муфтияттын ишмердүүлүгү боюнча салыктык текшерүүлөр жана аудит жүргүзүлүүдө.

Муфтияттагы каржы махинациясы

10-февралда УКМК Кыргызстан мусулмандарынын дин башкармалыгынын кызматкерлери зыяратчылардан түшкөн акчаны жеке кызыкчылыгы үчүн пайдаланганын ачыкка чыгарып, мекеменин эсепчисин кармаган. Атайын кызмат тараткан билдирүүдө муфтияттагылар ишти жаап-жашыруу үчүн 100 миң доллар пара сунуштаганы да айтылган. Ушул эле күнү анын артынан Максатбек Токтомушев дагы кармалган. 12-февралга караган түнү экс-муфтийдин баш коргоо чарасы тандалып, сыртка чыкпоо тил каты менен бошотулган. Ал эми бухгалтери эки айга тергөө абагына камалды.

Тема:
Муфтияттагы чуулуу иш (19)

Тема боюнча

Муфтияттын бухгалтери камакка алынды
Шайлоодо бир партияга 155 млн. жумшалган. Жапаров Максат ажынын кармалышы тууралуу
Белгилер:
аудит, кылмыш иши, текшерүү, муфтият

ЭҢ МААНИЛҮҮ