https://sputnik.kg/20210204/bishkek-mehriya-moratorij-1051338128.html
Бишкек мэриясы жер берүүгө коюлган мораторийди жоюп салууну сунуштап жатат
Бишкек мэриясы жер берүүгө коюлган мораторийди жоюп салууну сунуштап жатат
Sputnik Кыргызстан
Бишкек шаардык кеңешинин комиссиясы мораторийди узартпоо сунушун жактырды. Бирок акыркы чечим 8-февралга божомолдонуп жаткан шаардык кеңештин жыйынында кабыл... 04.02.2021, Sputnik Кыргызстан
2021-02-04T15:24+0600
2021-02-04T15:24+0600
2021-12-14T14:27+0600
жаңылыктар
коом
кыргызстан
бишкек
бишкек мэриясы
мораторий
https://sputnik.kg/img/103719/75/1037197536_0:137:3931:2348_1920x0_80_0_0_6a416f38a05c548fe0519c1c5ca067e1.jpg
БИШКЕК, 4-фев. — Sputnik. Бишкек шаардык кеңешинин профилдик комиссиясы мэриянын жер тилкелерин берүүгө мораторийди жоюп салуу боюнча сунушун колдоду.Маалыматка караганда, келечекте жер тилкелерин өзүнчө бир бүтүн объект катары карап, сатыкка коюу сунушталууда.Бишкек шаардык кеңешинин жыйынында мэриянын сунушун вице-мэр Азамат Сагындык уулу айтты. Ал эске салгандай, муниципалитет 2019-жылы ар кандай ишкерлик үчүн жер тилкелерин берүүгө үч жылдык мораторий жарыялаган. Ал эми 2020-жылдын апрелинде ал мораторийди дагы бир жылга узартуу сунушу киргизилген.Жер ресурстары башкармалыгынын өкүлү Бакай Турдугуловдун айтымында, азыркы чектөөлөр 2022-жылга чейин уланат.Шаардык кеңештин депутаты Куванычбек Конгантиев эмне себептен мораторий жеңил конструкцияларга эмес, капиталдык курулушка гана жоюлганы жатканына кызыкты."Силер мындай чечим менен бюджетке акча түшүрүп, жумуш орундарын камсыздайбыз деп жатасыңар. Жеңил конструкция менен курулчу объекттерден деле дал ошондой пайда түшөт. Жадагалса 5-6 эсе көбүрөөк акча алып келиши мүмкүн. Бул маселени дагы кароону сунуштайм. Анткени жакында боло турган жыйын шаардык кеңештин акыркы жыйыны болуп калышы мүмкүн", — деди Конгантиев.Жыйынтыгында комиссия мораторийди узартпоо сунушун жактырды. Бирок акыркы чечим 8-февралга божомолдонуп жаткан шаардык кеңештин жыйынында кабыл алынат.
https://sputnik.kg/20210130/bishkektin-mektep-bakchalary-oflajnga-otpojt-1051286525.html
бишкек
Sputnik Кыргызстан
media@sputniknews.com
+74956456601
MIA „Rosiya Segodnya“
2021
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
жаңылыктар, коом, кыргызстан, бишкек, бишкек мэриясы, мораторий
жаңылыктар, коом, кыргызстан, бишкек, бишкек мэриясы, мораторий
Бишкек мэриясы жер берүүгө коюлган мораторийди жоюп салууну сунуштап жатат
15:24 04.02.2021 (Жаңыртылды: 14:27 14.12.2021) Бишкек шаардык кеңешинин комиссиясы мораторийди узартпоо сунушун жактырды. Бирок акыркы чечим 8-февралга божомолдонуп жаткан шаардык кеңештин жыйынында кабыл алынат.
БИШКЕК, 4-фев. — Sputnik. Бишкек шаардык кеңешинин профилдик комиссиясы мэриянын жер тилкелерин берүүгө мораторийди жоюп салуу боюнча сунушун колдоду.
Маалыматка караганда, келечекте жер тилкелерин өзүнчө бир бүтүн объект катары карап, сатыкка коюу сунушталууда.
Бишкек шаардык кеңешинин жыйынында мэриянын сунушун вице-мэр Азамат Сагындык уулу айтты. Ал эске салгандай, муниципалитет 2019-жылы ар кандай ишкерлик үчүн жер тилкелерин берүүгө үч жылдык мораторий жарыялаган. Ал эми 2020-жылдын апрелинде ал мораторийди дагы бир жылга узартуу сунушу киргизилген.
"Биз ошол бир жылга узартуу боюнча сунушту четке каккыбыз келип жатат", — деди Сагындык уулу.
Жер ресурстары башкармалыгынын өкүлү Бакай Турдугуловдун айтымында, азыркы чектөөлөр 2022-жылга чейин уланат.
"Былтыр биз бул сунушту жерди колдонуу жана курулуштар боюнча жаңы эрежелерди киргизүү үчүн киргизгенбиз. Бирок ал багытта эч бир жылыш болгон жок. Демек, мындай чектөөлөр керекпи деген суроо туулат", — деди Турдугулов.
Шаардык кеңештин депутаты Куванычбек Конгантиев эмне себептен мораторий жеңил конструкцияларга эмес, капиталдык курулушка гана жоюлганы жатканына кызыкты.
"Силер мындай чечим менен бюджетке акча түшүрүп, жумуш орундарын камсыздайбыз деп жатасыңар. Жеңил конструкция менен курулчу объекттерден деле дал ошондой пайда түшөт. Жадагалса 5-6 эсе көбүрөөк акча алып келиши мүмкүн. Бул маселени дагы кароону сунуштайм. Анткени жакында боло турган жыйын шаардык кеңештин акыркы жыйыны болуп калышы мүмкүн", — деди Конгантиев.
Жыйынтыгында комиссия мораторийди узартпоо сунушун жактырды. Бирок акыркы чечим 8-февралга божомолдонуп жаткан шаардык кеңештин жыйынында кабыл алынат.
