13:48 03 Жалган Куран 2021
Түз эфир
  • USD84.8113
  • EUR101.7905
  • RUB1.1373
Коом
Кыскача шилтеме алуу
167 0 0

Рамис Рыскуловдун сөөгү "Ала-Арча" көрүстөнүнө коюлат. Маркум менен коштошуу зыйнатын эртең, 28-январда, өткөрүү пландалууда.

БИШКЕК, 27-янв. — Sputnik. Кыргыз эл акыны, сүрөтчү Рамис Рыскулов 87 жашында көз жумду. Бул тууралуу маалыматты Кыргызстан жазуучулар союзунун төрагасынын орун басары Керимбек Кадыракунов Sputnik Кыргызстан агенттигине тастыктады.

Маркум көптөн бери ооруп жүргөн.

"Кечээ түнкүсүн саат 12лерде каза болду. Жашы 87ге чыкты, ал киши көптөн бери ооруп жүргөн. Маркумдун сөөгү "Ала-Арча" көрүстөнүнө коюлат. Уюштуруу иштери жүрүп жатат", — деди ал.

Кадыракунов ошондой эле Эл акыны менен коштошуу зыйнатын эртең, 28-январда, өткөрүү пландалып жатканын кошумчалады.

Рамис Рыскулов 1934-жылы 9-сентябрда Чүй облусунун Москва районундагы Кызыл-Тоо айылында туулган.

Эл акыны чыгармачылык жолунда ондогон ыр китептердин, ыр жыйнактарынын автору болгон.

Тема боюнча

Белгилүү журналист Бейшенбек Бекешов көз жумду
Белгилер:
Рамис Рыскулов, жерге берүү, өлүм

ЭҢ МААНИЛҮҮ