08:42 24 Аяк оона 2021
Түз эфир
  • USD84.8000
  • EUR99.3856
  • RUB1.1660
Коом
Кыскача шилтеме алуу
108 0 0

Акча талап кылууга шектелген активисттер Мелис Аспеков менен Улан Жураев 10-январда УКМКнын тергөө абагына киргизилген.

БИШКЕК, 26-янв. — Sputnik. Активист Улан Жураев үй камагына чыгарылганын Биринчи май райондук сотунун маалымат кызматы кабарлады.

Сот чечимди 23-январда Башкы прокуратуранын башкармалыгынын прокурорунун сунуштамасы менен кабыл алган. Шектүү менен прокурор кызматташуу келишимин түзгөнү айтылды.

10-январда акча талап кылууга шектелген активисттер Мелис Аспеков менен Улан Жураев УКМКнын тергөө абагына киргизилген.

Аспеков 9-март саат 00:25ке, Жураев  9-март саат 02:05ке чейин абакта болот.

Буга чейин Улуттук коопсуздук мамлекеттик комитети "Кыргыз темир жолу" ишканасынын жетекчилигинен 250 миң доллар талап кылды деп шектелген эки жаранды колго түшүргөн.

Улуттук коопсуздук комитетинин мурдагы жетекчиси Абдил Сегизбаев. Архив
© Пресс-служба президента КР / Султан Досалиев
УКМКнын Коррупцияга каршы кызматы "Кыргыз темир жолу" ишканасынын арызына ылайык, КР Жазык кодексинин 203-беренеси ("Опузалап талап кылуу") менен сотко чейинки өндүрүштү баштаган.

Маалым болгондой, М.А. жана У.Ж. аттуу жарандар укук коргоо органдары ишкананы текшерет жана жетекчилигине каршы митинг уюштурулат деп коркутуп, ишкананын башчыларынан 250 миң доллар талап кылышкан. Алар маселени оң жагына чечүү үчүн сураган каражатты бергени айтылат.

Атайын кызмат опузалап акча алды деген активисттерди кармаган видеону да жарыялаган.

Тема боюнча

Чиновниктер калкалаган. Прокуратура мөөнөтү өткөн азыктарды саткандарды кармады
Белгилер:
үй, камак, активист, Улан Жураев

ЭҢ МААНИЛҮҮ