15:13 25 Аяк оона 2021
Түз эфир
  • USD84.8000
  • EUR99.5213
  • RUB1.1615
Коом
Кыскача шилтеме алуу
185 0 0

Мыйзам бузган үч ишканага азырынча эскертүү берилген. Эгер ушундай учур дагы кайталана турган болсо, алар айып пул төлөп же лицензиясынан ажырап калышы ыктымал.

БИШКЕК, 20-янв. — Sputnik. 18-19-январь күндөрү үч компаниянын маршрутка айдоочулары ишке чыкпай коюшкан. Бул тууралуу Жолдор жана транспорт министрлигинин маалымат кызматы билдирди.

Ага ылайык, министрликтин алдындагы Автотранспорт агенттигинин Бишкек шаардык башкармалыгы 18-19-январь күндөрү жумушка чыкпай койгон маршруткаларды текшерүүдө.

"Анын жүрүшүндө "Восточный экспресс", "Дордой-Транс", "Узар-Вест" компаниялары аныкталып, эскертүү берилди. Башка шаардык маршруттар боюнча да текшерүү уланып, айдоочулук курамга түшүндүрүү иштери жүрүүдө", — деп жазылат маалыматта.

Башкармалык эгер ушундай эле учурлар дагы кайталанса, мыйзамга ылайык, мындан да катуу чаралар (айып пул салуу, лицензиясынан ажыратуу) көрүлө турганын эскертти.

Эске салсак, 18-19-январда айрым маршрутка айдоочулары жумушка чыкпай коюшкан. Алар жол кире акысын 5 сомго жогорулатууну талап кылып, жол акы 2012-жылдан бери көтөрүлө электигин белгилешкен.

Айрым маршруткалар каттабагандыктан, калаа тургундарына ыңгайсыздык жаралып, айрымдары үйлөрүнө жете албай кыйналышкан.

Тема боюнча

Балбак Түлөбаев маршрутка көйгөйү боюнча кайрылуу жасады. Видео
Бишкекте маршруткалар боюнча абал кандай экенин мэриядан айтып беришти
Белгилер:
Бишкек, маршрутка, компания, эскертүү, текшерүү, айдоочу

ЭҢ МААНИЛҮҮ