Открытие редакционного центра Sputnik Кыргызстан в Бишкеке - Sputnik Кыргызстан
Пресс-борбор

Мэрия инвесторлорду Бишкектеги жаңы каттамга автобус сатып берүүгө чакырат

© Sputnik / Евгений Одиноков / Медиабанкка өтүүДемонстрация новых моделей автобусов Lotos
Демонстрация новых моделей автобусов Lotos - Sputnik Кыргызстан
Жазылуу
Инвесторлорго мамлекеттик-менчик өнөктөштүктүн алкагында шаардыктарды тейлөөчү автобустарды сатып берүү сунушталууда.
БИШКЕК, 15-янв. — Sputnik. Муниципалитетте каражат жетишсиз болгондуктан мэрия ишкерлерге мамлекеттик-жеке өнөктөштүктүн алкагында жаңы каттамдар үчүн автобустарды сатып алуу боюнча кайрылды. Бул тууралуу Sputnik Кыргызстан агенттигинин маалымат борборунда өткөн брифингде мэриянын транспорт маселелери боюнча координатору Улан Бейшенбаев билдирди. 
© Sputnik / Табылды КадырбековБишкек мэриясынын транспорт маселелери боюнча координатору Улан Бейшенбаев
Координатор по вопросам транспорта мэрии Бишкека Улан Бейшенбаев - Sputnik Кыргызстан
Бишкек мэриясынын транспорт маселелери боюнча координатору Улан Бейшенбаев
Ал газ жана электр менен жүрүүчү экологиялык жактан таза автобустарга артыкчылык берилерин белгиледи.
"Биз ишкерлерге мамлекеттик-жеке өнөктөштүктүн алкагында шаарга элди ташыган автобустарды сатып бергиле деп кайрылабыз. Айрым талаптар бар: автобустун узундугу 10 метрден ашпашы керек, алар майып адамдарды ташууга да ыңгайлашкан болушу зарыл", — деди ал.
Бейшенбаев ошондой эле мэрия менен кызматташууга кызыкдар экенин билдирген ишкерлер боло электигин да белгиледи.
Буга чейин баш калаанын транспорттук кызматкерлери инвесторлор менен мамлекеттик-жеке өнөктөштүк жөнүндө келишим түзүү аркылуу жүргүнчүлөрдү ташуунун 30га жакын схемасын ачуу боюнча долбоор иштеп чыгышкан.
Жаңылыктар түрмөгү
0