Чек ара ачылган алгачкы айда КРге дээрлик 100 миң адам кирип-чыкты

© Sputnik / Максим Блинов / Медиабанкка өтүүЭл аралык аэропорттун учуу залындагы жүргүнчүлөр. Архив
Эл аралык аэропорттун учуу залындагы жүргүнчүлөр. Архив - Sputnik Кыргызстан
Жазылуу
Кыргыз өкмөтү 2020-жылдын 4-декабрынан тарта бардык чет элдиктер жана жарандыгы жок адамдар үчүн чек арасын ачкан.
БИШКЕК, 13-янв. — Sputnik. Кыргызстан чет элдиктерге чек арасын ачкан бир ай ичинде өлкөгө дээрлик 100 миңдей жаран кирип чыкты. Бул тууралуу Мамлекеттик чек ара кызматынан билдиришти.
Кеп "Манас" жана "Ош" эл аралык аэропорттору аркылуу 4-декабрдан 31-декабрга чейин каттагандар тууралуу болуп жатат.
Бул аралыкта Кыргызстандын аймагына жалпысынан 56 880 киши кирсе, алардын ичинен 30 748и чет элдик экени аныкталды.
Кытайдын желеги. Архив - Sputnik Кыргызстан
Кытай кыргызстандык ишкерлердин товарын эмне себептен кармоодо? Абалга сереп
Ошол эле учурда 39 756 адам Кыргызстандан чыгып кетти, алардын 12 645и башка өлкөлөрдүн атуулдары.
Эске салсак, кыргыз өкмөтү 2020-жылдын 4-декабрынан тарта бардык чет элдиктер жана жарандыгы жок адамдар үчүн чек арасын ачкан. Болгону акыркы 72 сааттын ичинде өткөн коронавирусту аныктоочу ПЦР-тесттин жыйынтыгын көрсөтүп, тиешелүү текшерүүлөрдөн өтүшү керек.
Жаңылыктар түрмөгү
0