БИШКЕК, 27-дек. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.
Ага ылайык, борбор калаада дүйшөмбүдөн шаршембиге чейин жаан-чачын күтүлбөйт. Ал эми 31-декабрь күнү бир аз кар жаашы мүмкүн экенин айтышат синоптиктер.
Батыштан соккон шамалдын ылдамдыгы секундасына 4-9 метрге жетет.
Чүй, Талас облустары
28-декабрда түнкүсүн Чүй облусунун тоолуу райондорунда кар жаашы күтүлөт. Ал эми күндүз жана 29-30-декабрларда эки облуста тең күн ачык болот. 31-декабрда күндүз Чүйдүн кээ бир аймактарында бир аз кар жаайт, Таласта күн ачык болот.
Ош, Жалал-Абад, Баткен облусу
28-декабрда түнкүсүн Ош, Баткен облустарынын көпчүлүк аймактарында, Жалал-Абад облусунун кээ бир райондорунда кар жаайт. Андан кийин 29-31-декабрь күндөрү жаан-чачын күтүлбөйт.
Ысык-Көл облусу
28-декабрда түнкүсүн кээ бир райондордо кар жаайт. Ошондон кийин жаңы жылга чейин, тагыраак айтканда, 29-31-декабрларда күн ачык болот.
Теңир-Тоодо дагы 28-декабрда түнкүсүн кар жаай турганы айтылат.
Ал эми 29-31-декабрь күндөрү жаан-чачын күтүлбөйт.
1-2-январга карата Кыргызстандагы аба ырайынын жакындатылган болжолдоосу
Жыл жаңырары менен Чүй, Ысык-Көл, Нарын облустарынын кээ бир райондорунда кар жаайт. Калган аймактарда күн ачык болору айтылды.
Абанын температурасы дээрлик өзгөрүлбөйт.
