Открытие редакционного центра Sputnik Кыргызстан в Бишкеке - Sputnik Кыргызстан
Пресс-борбор

Дарыканаларды текшерүүгө мораторий жоюлат. Мыйзам долбоору даярдалууда

© Sputnik / Максим Богодвид / Медиабанкка өтүүДарыкана. Архив
Дарыкана. Архив - Sputnik Кыргызстан
Жазылуу
Дары каражаттары жана медициналык буюмдар департаментинин директорунун айтымында, жарандардан дарылардын сапаты боюнча даттануулар түшүп жатат.

БИШКЕК, 11-дек. — Sputnik. Өкмөткө фармацевтикалык ишмердүүлүктү текшерүүгө коюлган мораторийди алып салуу сунушу киргизилет. Бул тууралуу Sputnik Кыргызстан агенттигинин мультимедиалык маалымат борборунда өткөн "КРде дары-дармектин баасын кантип көзөмөлдөп, дефицит жаралбаш үчүн кандай аракеттер көрүлөт" аттуу брифингде Саламаттык сактоо министрлигинин алдындагы Дары каражаттары жана медициналык буюмдар департаментинин директорунун орун басары Чынара Мамбеталиева билдирди.

© Sputnik / Жоомарт УраимовСаламаттык сактоо министрлигинин алдындагы Дары каражаттары жана медициналык буюмдар департаментинин директорунун орун басары Чынара Мамбеталиева
Дарыканаларды текшерүүгө мораторий жоюлат. Мыйзам долбоору даярдалууда - Sputnik Кыргызстан
Саламаттык сактоо министрлигинин алдындагы Дары каражаттары жана медициналык буюмдар департаментинин директорунун орун басары Чынара Мамбеталиева

Анын айтымында, дарыгер дагы, бейтап дагы дарынын сапаты жана коопсуздугун өз алдынча аныктай албайт.

"Дары каражаттарын жүгүртүү жаатын көзөмөлдөп туруу өтө маанилүү нерсе. Мораторий, албетте, кыргызстандыктар канчалык сапаттуу дары ала аларына таасир этет. Ар бир препаратка ылайык атайын эреже болгондуктан, анын кантип аткарылып жатканы сөзсүз текшерилиши керек. Фармацевтикалык ишмердүүлүктү текшерүүгө коюлган мораторийди алып салуу сунушун киргизебиз. Бул стратегиялык маселе", — деди Мамбеталиева.

Ал эми департамент директору Тимурлан Кысанов жарандардан дарылардын сапаты боюнча даттануулар түшүп жатканын кошумчалады.

Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев. Архив - Sputnik Кыргызстан
Радио
Мурзашев: ишкерлерди текшерүүгө мораторий киргени бизнес өнүккөн деле жок
"Бизге дарылар боюнча даттануулар түшөт. Бирок биз азыр дарыканаларды текшере албайбыз. Азыр мораторойди алып салуу боюнча долбоор даярдап жатабыз. Бүтөрү менен министрлер кабинетине сунуштайбыз", — деди ал.

Кысановдун айтымында, эгер мораторой алып салынса, департамент дарыканаларды текшерүү укугуна ээ болот.

Эске салсак, өкмөт 2019-жылдын 1-январынан тарта ишкерлик субъектилерин текшерүүгө эки жылдык мораторий киргизген. 2021-жылдын 1-январында мөөнөтү бүтчү бул жеңилдикти премьер-министр Артем Новиков дагы бир жылга узарткан.

Жаңылыктар түрмөгү
0