Министрлик түндүк-түштүк жолу качан курулуп бүтөрүн маалымдады

© Sputnik / Табылды КадырбековСтроительство альтернативной дороги север— юг в КР
Строительство альтернативной дороги север— юг в КР - Sputnik Кыргызстан
Жазылуу
Адистин берген маалыматына караганда, алты жыл мурда курула баштаган жол үч фазага бөлүнгөн. Анын эки фазасы боюнча иштер аткарылып жатса, үчүнчүсү башталуу этабында турат.

БИШКЕК, 17-ноя. — Sputnik. Түндүк-түштүк альтернативдүү жолунун курулуш иштери 2023-жылы толук аяктаары күтүлүүдө. Бул тууралуу Азия өнүктүрүү банкынын инвестициялык долбоорлорун ишке ашыруу боюнча министрликтин алдында түзүлгөн топтун мониторинг жана коомчулук менен байланыш түзүү боюнча адиси Тагай Алимбаев билдирди. Адис Sputnik агенттигинин мультимедиалык маалымат борборунда өткөн "Кыргызстанда ири жолдорду салуу жана оңдоо" жөнүндөгү онлайн-брифингге катышты. 

© Sputnik / Мээрим ДогдурбековаАзия өнүктүрүү банкынын инвестициялык долбоорлорун ишке ашыруу боюнча Министрликтин алдында түзүлгөн топтун мониторинг жана коомчулук менен байланыш түзүү боюнча адиси Тагай Алимбаев
Министрлик түндүк-түштүк жолу качан курулуп бүтөрүн маалымдады - Sputnik Кыргызстан
Азия өнүктүрүү банкынын инвестициялык долбоорлорун ишке ашыруу боюнча Министрликтин алдында түзүлгөн топтун мониторинг жана коомчулук менен байланыш түзүү боюнча адиси Тагай Алимбаев

Анын айтымында, жол куруу долбоору үч фазага бөлүнүп, иш 2014-жылы башталган.

"Биринчи фазанын ишин China Road and Bridge Corporation компаниясы аткарып жатат. Алар 125 чакырымдык жол менен 3800 метрге созулган тоннелди салышы керек. Учурда ишкана 117 чакырым жолду асфальттап, тоннелдин 2800 метрин бүтүрдү", — деди Алимбаев.

Борьба коммунальщиков с весенним снегом - Sputnik Кыргызстан
Кар жаагандан кийин Бишкектин жолдоруна 413 тонна туз себилди
Ал белгилегендей, экинчи фазанын алкагында 99 чакырымдык жол жана эки эстакадалык көпүрө курулуп жатат. Учурда иштин 85 пайызы аяктап калды. Тагыраагы, 74 чакырымдык жол салынса, көпүрөнүн бири 90, экинчиси 70 пайызга бүткөрүлдү. Ал эми үчүнчү фазанын иши башталуу этабында турат.

"Үчүнчү фазада долбоор үч бөлүккө бөлүнгөн. Анын биринчи бөлүгү боюнча иштер келерки жылы башталат. Экинчисинде италиялык компания асфальт төшөө үчүн жолду даярдоодо. Үчүнчү бөлүктө дагы иштер эми гана башталып жатат", — деди Алимбаев.

Адистин айтымында, нормага ылайык, биринчи капиталдык оңдоо иштерине чейин жол 18 жыл кызмат кылышы керек.

Жаңылыктар түрмөгү
0