БИШКЕК, 27-окт. — Sputnik. Македонияда өткөн математика боюнча эл аралык олимпиадада кыргызстандык үч окуучу күмүш жана коло медаль тагынышты. Бул тууралуу Билим берүү жана илим министрлигинин маалымат кызматы кабарлады.
Билдирмеге ылайык, олимпиада онлайн-режимде өтүп, ага Кыргызстандан 35 окуучу катышкан.
"Анда №61 физика-математикалык мектеп-лицейинин окуучулары Жантай Жусупов күмүш медаль, Эрбол Есенгулов менен "Газпром Кыргызстан" мектебинин окуучусу Эльдар Искендеров коло медалдын ээси болушту", — деп айтылат маалыматта.
15 орундуу санды көбөйтүп, калыстарды таң калтырган Нурболот. Видео
Белгилүү болгондой, бул үч окуучу тең 2019-2020-жылдагы альтернативдүү олимпиаданын жеңүүчүлөрү болуп саналат. Алар август айында Кыргызстандын курама командасы үчүн уюштурулган жайкы даярдоого катышкан.
Курама команданы Мамат Ишматов, Мурат Абдувалиев, Амир Мохаммед-Али даярдаган.
