БИШКЕК, 19-окт. — Sputnik. Бишкектеги Мурас-Ордо конушундагы жаңы мектеп борбордук канализацияга кошулуп, жакында конушка кире бериштеги жолго асфальт төшөө пландалып жатат. Бул тууралуу Бишкек мэриясынан билдиришти.
"Мэр Азиз Суракматовдун тапшырмасы менен Бишкектин чет-жакасындагы жаңы конуштардын инфраструктурасын жакшыртуу иштери уланууда. Аталган конушка курулган мектептен 2 чакырымга жеткен түтүк тартылып, канализацияга кошулат. Мэрия ишти аткара турган компанияны аныктады. Долбоорго жалпысынан 6 миллион 447 миң сом сарпталат", — деп айтылат билдирүүдө.
"Бишкек жылуулук энерго" ишканасына карыз болгондордун тизмеси чыкты
Ал эми жолдун курулушуна Кытайдан келген гранттык каражаттар колдонулмакчы. Учурда аймак курулуш иштерине даярдалып, жер алдынан түтүктөр алып өтүлүүдө.
