Мелис Мырзакматовдун Ошко келген видеосу тарады

© AFP / VYACHESLAV OSELEDKO Экс-мэр города Ош Мелис Мырзакматов
Экс-мэр города Ош Мелис Мырзакматов - Sputnik Кыргызстан
Жазылуу
Мырзакматов жеке учак менен келип, аны аэропорттон бир нече жолтандабас менен келген тарапташтары тосуп алган.

БИШКЕК, 7-окт. — Sputnik. Ош шаарынын мурдагы мэри Мелис Мырзакматов Кыргызстанга келди. Анын учактан түшүп жаткан видеосу социалдык тармакка жарыяланды.

Кадрдан Мырзакматов жеке самолёт менен учуп келгенин көрүүгө болот. Аны аэропорттон бир нече жолтандабас менен келген тарапташтары тосуп алган.

Посмотреть эту публикацию в Instagram

Публикация от @bezpredelkg

Кечээ муниципалитеттин имаратына Жогорку Кеңештин депутаты Дүйшөн Төрөкуловду Ош шаарынын мэринин ордуна сунуштап 200 киши келген. Алар мэрдин кабинетинин иш бөлмөсүнө киргенден кийин Төрөкулов өзүн мэр деп жарыялаган.

Бирок учурда Мырзакматовду дал ушул орунга сунуштап аянтта миңдеген тарапташтары күтүп турат.

Эскерте кетсек, Мелис Мырзакматов 2014-жылдын ноябрында шаарды аралап өтчү асма көпүрөнү салууда коррупциялык иштерге барган деп айыпталып, издөө жарыяланган. Бирок бул убакта ал өлкөдөн чыгып кетүүгө үлгүргөн. Кийин 2015-жылдын июль айында жети жылга сыртынан кесилген.

Жаңылыктар түрмөгү
0